پوليتسيا ءالي فەرۋزدى ۋاقىتشا ۇستاۋ ورتالىعىنان الىپ كەتتى
جۋرناليست ءالي فەرۋزدى پوليتسيا قىزمەتكەرلەرى سەيسەنبى كۇنى كەشكە شەتەل ازاماتتارىن ۋاقىتشا ۇستاۋ ورتالىعىنان الىپ كەتكەن. بۇل تۋرالى "نوۆايا گازەتاداعى" ارىپتەستەرىنە فەرۋزدىڭ ءوزى حابارلاعان. پوليتسيا وعان اكىمشىلىك زاڭبۇزۋشىلىق تۋرالى حاتتاما كوشىرمەسىن كورسەتىپ، ماسكەۋدەگى باسمان سوتىنا اپارعان.
باسىلىم پوليتسيانىڭ بۇل ارەكەتىن فەرۋزدىڭ جۇمىس ىستەگەن ورنىن تەكسەرۋگە قاتىسى بار دەپ بولجايدى. 16 قاراشادا گازەت رەداكتسياسىنا كوشى-قون جونىندەگى ءبولىم قىزمەتىنەن تەكسەرىپ كەلگەن.
وزبەكستان ازاماتى ءالي فەرۋز بىرنەشە جىلدان بەرى رەسەيدە بوسقىن مارتەبەسىن الا الماي كەلەدى. ىشكى ىستەر مينيسترلىگى ونىڭ وزبەكستاندا قاۋىپتى ەكەنىن تولىق دالەلدەي المادى دەپ وتىر. دەگەنمەن ءجۋرناليستىڭ ارىپتەستەرى، تۋىستارى فەرۋزدى ەلىندە ءولىم كۇتىپ تۇر دەگەندى العا تارتادى.
جۋرناليست تامىز ايىنىڭ باسىندا ماسكەۋدە ۇستالدى. وعان كوشى-قون زاڭدارىن بۇزدى دەگەن ايىپ تاعىلعان.
Abai.kz
