قىرعىزستاندا بالا زورلادى دەپ ايىپتالعان يمامدى 21 جىلعا سوتتادى
قىرعىزستاننىڭ جالالاباد وبلىسى سۋزاك اۋدانىنىڭ سوتى ون جاستاعى بالانى زورلادى دەپ ايىپتالعان يمامعا ۇكىم شىعاردى. بۇل تۋرالى وبلىستىق سوتتىڭ ءباسپاسوز قىزمەتى حابارلادى.
سوت يمامدى كامەلەت جاسقا تولماعان بالاعا سەكسۋالدىق سيپاتتاعى زورلىق كورسەتتى دەپ تانىپ، 20 جىلعا باس بوستاندىعىن ايىرۋ تۋرالى ۇكىم شىعاردى. بۇعان قوسا ول ەسىرتكى ساقتادى جانە ەكسترەميزمگە بايلانىستى ارەكەتتەر جاسادى دەپ ايىپتالدى. بۇل ايىپتاۋلاردىڭ بارلىعى ءۇشىن ول 21 جىل تۇرمە جازاسىن الدى.
اپەللياتسيالىق ارىز تۇسپەۋىنە بايلانىستى تۇرمە مەرزىمى قازاندا باستالدى دەپ ەسەپتەلىنەدى.
سۋزاك اۋدانىنىڭ ات-چابار اۋلىنىڭ تۇرعىنى وتكەن جىلى 18 ماۋسىمدا جەرگىلىكتى ىشكى ىستەر بولىمىنە شاعىمدانىپ، ون جاسار بالاسىن كورشى تۇراتىن جەرگىلىكتى يمام ءبىر جىل بويى زورلاپ كەلگەنىن ايتقان.
Abai.kz
