بۇدان ءبىر كۇن بۇرىن پۋتين سيريا پرەزيدەنتى باشار اسادپەن كەزدەسكەن ەدى. كرەملدىڭ حابارلاۋىنشا، ترامپپەن اڭگىمەلەسۋ كەزىندە اراب رەسپۋبليكاسىندا پرەزيدەنتتىك جانە پارلامەنتتىك سايلاۋلار وتكىزۋدى قالايتىنىن، كونستيتۋتسيالىق رەفورمانى جاقتايتىنىن مالىمدەگەن.

ماسكەۋ، انكارا جانە تەگەران قازاقستان استاناسى استانادا جەكەلەگەن كەلىسسوزدەرگە دەمەۋشىلىك جاساپ وتىر. وعان جانجالداسۋشى تاراپتار قاتىسىپ ءجۇر. استاناداعى كەزدەسۋدە سيريانىڭ ماڭىزدى ايماقتارىندا دەەسكالاتسيا ايماقتارىن قۇرۋ ماسەلەسى تالقىلانىپ جاتىر.

اق ءۇيدىڭ مالىمەتىنە قاراعاندا، ترامپ پەن پۋتين 21 قاراشادا "تاياۋ شىعىس پەن ورتالىق ازيا اۋماعىندا تەرروريزممەن كۇرەستىڭ ماڭىزدىلىعىن ايتىپ ءوتتى" جانە يم، ء"ال قايدا", "تاليبان" جانە باسقا دا تەرروريستىك توپتارمەن كۇرەسۋ ءۇشىن ارىپتەستىكتى ارتتىرۋ جولدارىن ىزدەۋگە كەلىستى.

وتكەن اپتادا ترامپ پەن پۋتين ۆەتنامداعى سامميتتە رەسمي ەمەس كەزدەسۋ وتكىزگەن. رەسمي كەلىسسوزدەر بولماي قالدى. سول كەزدە كرەمل امەريكالىقتار "كەلىسپەي قويعانىن" مالىمدەگەن. اق ءۇي كەزدەسۋدىڭ وتپەي قالۋىن پرەزيدەنتتىڭ كۇن تارتىبىمەن تۇسىندىرگەن.

Abai.kz