ەلوردامىزدى قورشاي ەگىلگەن ورمان القابىنىڭ اۋماعى 78 مىڭ گەكتارعا جەتتى.

«سوڭعى ناقتى مالىمەتتەرگە سۇيەنسەك،  استانانى قورشاعان «جاسىل بەلدەۋدىڭ» اۋماعى 78 مىڭ گەكتارعا جەتتى»، - دەدى قر اشم ورمان شارۋاشىلىعى جانە جانۋارلار دۇنيەسى كوميتەتى توراعاسىنىڭ ورىنباسارى قايرات ۇستەمىروۆ وكق-دا وتكەن ءباسپاسوز ءماسليحاتىندا. ونىڭ ايتۋىنشا، ەلوردانىڭ ماڭى جاسىل اۋماققا اينالىپ بارا جاتقانىمەن، كەيبىر وبلىستاردا ورمان القاپتارى كەڭەيەر ەمەس.

«كەيبىر وبلىستاردا اعاش وتىرعىزۋ ارقىلى ورمان القاپتارىن كەڭەيتۋ جۇمىستارى كەنجەلەپ قالدى. وبلىس اكىمدىكتەرى مۇنى ورمان شارۋاشىلىعى قورىنىڭ جوقتىعىمەن بايلانىستىرادى. الايدا «قازاق ورمان شارۋاشىلىعى» كاسىپورنىنىڭ مالىمەتىنە سۇيەنسەك، رەسپۋبليكانىڭ ورمان شارۋاشىلىعى قورى 2,5 ملن گەكتارعا جەتكەن. ال اكىمدىكتەر بۇل كورسەتكىشتى بار-جوعى 825 مىڭ گەكتار دەگەندى العا تارتادى»، - دەيدى قايرات ۇستەمىروۆ. جيىن بارىسىندا كوميتەت وكىلى ورمان القاپتارىن كەڭەيتۋ باعىتىندا جەكە شارۋاشىلىقتارعا دا قولداۋ كورسەتىلەتىنىن جەتكىزدى.

ەستەرىڭزگە سالا كەتەيىك،  استانانىڭ جان-جاعىن جاسىل اۋماققا اينالدىرۋ جۇمىسىنا ەلباسىنىڭ ءوزى ەرەكشە ءمان بەرىپ وتىر.

اباي-اقپارات