بايجان دۋباي. تەلەارنالارعا تاۋەلسىزدىك تۇككە تۇرمايدى
ءۇش كۇننەن كەيىن الاشتىڭ ۇلىق مەرەكەسى تاۋەلسىزدىك كۇنى بولادى. ەلدىڭ ەگەمەندىگىن اسپەتتەيتىن ەڭ قاسيەتتى مەرەكە جاڭا جىلدىڭ كولەڭكەسىندە قالىپ كەلەدى دەپ وكىنىشتەن وزەگىمىز ورتەنىپ ءجۇر. دەگەنمەن، بۇل مەرەكەنى تىم بولماعاندا بۇقارالىق اقپارات قۇرالدارى، سونىڭ ىشىندە تەلەارنالار تانىمال ەتەر دەگەن ءۇمىت تە اقتالماي وتىر. تاۋەلسىزدىك تۋرالى تەرەڭ تالداۋ ماتەريالدار، پاتريوتتىققا شاقىراتىن بەينەسيۋجەتتەر، ەلدىڭ ەڭسەسىن بيىكتەتىپ، ارمانىن ۇشتايتىن قازاق كينولارى، جۇرتتىڭ جۇرەگىنە ۇلتتى ءسۇيۋ يدەياسىن ۇيالاتاتىن باعدارلامالار بولسا بۇلاي پۇشايمان بولماس ەدىك.
ەندى تەلەارنالار قازاق ءۇشىن قاسيەتتى كۇن 16-جەلتوقساندا نە كورسەتەدى؟ سوعان توقتالايىق.
ەلدەگى باستى ارنا مارتەبەسىن «مەنشىكتەپ» العان «حاباردا»مەرەكەلىك كوڭىل-كۇي اسا بايقالمايدى. ادەتتەگىدەي الدەقاشان جازىپ الىنعان كونتسەرتتەرمەن ەفيردى تولتىرادى. ايتەۋىر، ەگەمەندىك ءۇشىن كۇرەسكەن ارداقتىلاردى الاش جۇرتىنىڭ ەسىنە سالاتىن ەفيردە 14:30-دا باستالاتىن «مۇستافا شوقاي» ءفيلمى عانا. ال، نەگىزگىنەن ەل تاۋەلسىزدىگىن ءبىر كىسىنىڭ اتىمەن عانا بايلانىستىراتىن «حابارلىقتار» ەفيردىڭ ەگەمەندىككە ارنالعان وزگە ۋاقىتىنىڭ باسىم بولىگىن ن.نازارباەۆ پەن «گۇلدەنگەن» قازاقستانعا ارناعان. 18:15 ءبىزدىڭ يندۋسترياليزاتسيا. 18:30 تەمىرتاۋ كوكتەمى. 19:40 وزىق وركەنيەتتى قازاقستان. 20:30 تاۋەلسىزدىك تولعاۋى. 21:30 تاۋەلسىزدىك تارتۋى.
ءۇش كۇننەن كەيىن الاشتىڭ ۇلىق مەرەكەسى تاۋەلسىزدىك كۇنى بولادى. ەلدىڭ ەگەمەندىگىن اسپەتتەيتىن ەڭ قاسيەتتى مەرەكە جاڭا جىلدىڭ كولەڭكەسىندە قالىپ كەلەدى دەپ وكىنىشتەن وزەگىمىز ورتەنىپ ءجۇر. دەگەنمەن، بۇل مەرەكەنى تىم بولماعاندا بۇقارالىق اقپارات قۇرالدارى، سونىڭ ىشىندە تەلەارنالار تانىمال ەتەر دەگەن ءۇمىت تە اقتالماي وتىر. تاۋەلسىزدىك تۋرالى تەرەڭ تالداۋ ماتەريالدار، پاتريوتتىققا شاقىراتىن بەينەسيۋجەتتەر، ەلدىڭ ەڭسەسىن بيىكتەتىپ، ارمانىن ۇشتايتىن قازاق كينولارى، جۇرتتىڭ جۇرەگىنە ۇلتتى ءسۇيۋ يدەياسىن ۇيالاتاتىن باعدارلامالار بولسا بۇلاي پۇشايمان بولماس ەدىك.
ەندى تەلەارنالار قازاق ءۇشىن قاسيەتتى كۇن 16-جەلتوقساندا نە كورسەتەدى؟ سوعان توقتالايىق.
ەلدەگى باستى ارنا مارتەبەسىن «مەنشىكتەپ» العان «حاباردا»مەرەكەلىك كوڭىل-كۇي اسا بايقالمايدى. ادەتتەگىدەي الدەقاشان جازىپ الىنعان كونتسەرتتەرمەن ەفيردى تولتىرادى. ايتەۋىر، ەگەمەندىك ءۇشىن كۇرەسكەن ارداقتىلاردى الاش جۇرتىنىڭ ەسىنە سالاتىن ەفيردە 14:30-دا باستالاتىن «مۇستافا شوقاي» ءفيلمى عانا. ال، نەگىزگىنەن ەل تاۋەلسىزدىگىن ءبىر كىسىنىڭ اتىمەن عانا بايلانىستىراتىن «حابارلىقتار» ەفيردىڭ ەگەمەندىككە ارنالعان وزگە ۋاقىتىنىڭ باسىم بولىگىن ن.نازارباەۆ پەن «گۇلدەنگەن» قازاقستانعا ارناعان. 18:15 ءبىزدىڭ يندۋسترياليزاتسيا. 18:30 تەمىرتاۋ كوكتەمى. 19:40 وزىق وركەنيەتتى قازاقستان. 20:30 تاۋەلسىزدىك تولعاۋى. 21:30 تاۋەلسىزدىك تارتۋى.
جىلت ەتكەن جاڭالىق پەن تاۋەلسىزدىككە دەگەن قۇرمەت «قازاقستان» ۇلتتىق ارناسىنان عانا بايقالادى. ەفير ۋاقىتى نەگىزىنەن مەرەكەلىك كونتسەرتتەر مەن ارنايى باعدارلامالارعا بەرىلگەن. 09:50 ازات ەلدىڭ اسقاق ءۇنى. 09:55 ەلدەستىرمەك ەلشىدەن. 10:00 ا.وماروۆ، ت.قوسۋباەۆا، ت.ءپىرىمجانوۆ «ساعان كۇشىك كەرەك پە؟» فيلمىندە ("قازاقفيلم", 1994 ج.) رەجيسسەرى: ك.قاسىمبەكوۆ. 11:05 تاۋەلسىزدىك تاڭدارى. دەرەكتى فيلم ("قازاقستان" ۇتا، 2010 ج.). 11:30 ساعىندىرعان اندەر-اي. رەتروفەستيۆال 13:55 ۇلتتار ۇلىقتاعان ۇلى دالا. دەرەكتى فيلم ("قازاقستان" ۇتا، 2010 ج.) 18:30 نۇرسۇلتان. پرەزيدەنتتىڭ ۇلكەن ويىنى. دەرەكتى فيلم (رەسەي، 2010 ج.) رەجيسسەرى: الەكساندر زامىسلوۆ. 20:00 تاۋەلسىزدىك مەرەكەسىنە ارنالعان سالتانات. 22:20 قازاق كينوسىنىڭ ونكۇندىگى. د. جولجاقسىنوۆ، ا. ماتاي، س. ورازباەۆ «ءبىرجان سال» دراماسىندا ("قازاقفيلم", 2009 ج.) رەجيسسەرى: د.جولجاقسىنوۆ.
قاشان دا قازاقتىڭ مۇددەسىن مەنسىنبەيتىن «كتك» تەلەارناسى بۇل كۇنى دە سول ادەتىنەن جاڭىلمايتىن سەكىلدى. 16-جەلتوقسان كۇنگى باعدارلامالار كەستەسىندە ەلدىڭ ەگەمەندىگىن اسپەتتەيتىن ەشتەمە جوق. ەسەسىنە مايمىلدار، ەلىمىزگە ەنتەلەي كىرگەن وزگە ءدىن وكىلدەرى جان-جاقتى ءسوز بولىپ، «ماڭگىلىك ءومىر ىشىرتكىسىن» ىزدەۋگە باسىمدىق بەرىلگەن. 08:00 قايتپاس قايسار مايمىلدار. 09:00 الەم دىندەرى جانە قازاقستان. 14:10 ماڭگi ءومiر سۇرگiڭ كەلسە.
تاۋەلسىزدىك تاقىرىبىن جىرلايتىن قازاق انشىلەرى قۇرىپ قالعانداي بۇل كۇنى كتك ەفيرىندە تاعى دا رەسەي جۇلدىزدارى «جارقىرايدى». 16:40 مەرەكەلىك كونتسەرت. (نيكولاي باسكوۆ)
ەلدىڭ اتىن ەنشىلەگەنىمەن ەلگە ەش سەبى تيمەيتىن «ەلارنا» دا 16-جەلتوقساندى اسپەتتەۋدى ويلامايدى. بۇل ارنانىڭ دا باعدارلاماسىندا ءسۇيسىنىپ كورەتىن، تاۋەلسىزدىكتىڭ رۋحىن تىرىلتەتىن ەشتەمە جوق. استانانىڭ «جارقىراعان» جىرلارى مەن بيلىككە ارنالعان «ودالار». باعدارلامالاردىڭ باسىم بولىگى «ءوز» تىلدەرىندە، ياعني رەسمي تىلدە بولادى. جەتىم قىزدىڭ ەنشىسىندەي ەتىپ قازاق ونەرى مەن مادەنيەتىنەن ءتۇن اۋعان سوڭ عانا ءبىر فيلم ۇسىنعان: 01:00 دالا ەكسپرەسى.
ەفيرگە قازاق ءتىلدى باعدارلامالاردى تەندەردەن ۇتقان تيىندى «ءسىڭىرۋ» ءۇشىن عانا بەرەتىن «مير»تەلەارناسى دا 16-جەلتوقساندا جارىتىپ ەشتەمە كورسەتپەيدى. اۋەل دەسەڭىز بۇل كۇنى «ميردە» قازاق تىلىندەگى بىردە ءبىر باعدارلاما جوق. تەلەباعدارلامادا سولاي جازىلىپ تۇر.
ورىستىڭ اقپاراتتىق ەكسپانتسياسىن جۇرگىزە باستاعان «31-ارنا» بۇل كۇنى جۇرتتى «جىرتىقاي» سكەتچ-شواۋلار، داراقى كۇلكىگە قۇرىلعان ءمانسىز باعدارلامالار، ورىستىڭ ۇياتسىز، ارسىز قىلىقتى جارنامالايتىن سەريالدارىن ۇسىنادى. بۇل كۇنى ءوزىن قازاقپىن دەيتىن، ەلدىڭ ەگەمەندىگىن اسپەتتەپ، تاۋەلسىزدىگىنە ءتاۋبا ايتقان ادام 31-ارنانى اشىپ قاراماسى انىق.
«استانا» ارناسىندا دا بۇل كۇنى تاۋەلسىزدىكتى ءتاۋ ەتكەن باعدارلاما اتىمەن جوق. تەك 17:10-داورىس تىلىندەگى «پرازدنيچنىي كونتسەرت، پوسۆياششيوننىي دنيۋ نەزاۆيسيموستي» باعدارلاماسى بار.
16-جەلتوقسان كۇنى ازاتتىق، تاۋەلسىزدىك جولىندا جان پيدا بولعان ەرلەر تۋرالى ەسكە سالاتىن باعدارلاما «الماتى» ارناسىندا بار ەكەن، ءتاۋبا. 12:00 ورلىك داستانى. 13:00 قىز جىبەك. 19:00 ماحامبەت. 20:30 كەنەسارى.
سوڭعى كەزدە باسىنان داۋ ارىلماي جۇرگەن «7-ارنادا» جەلتوقسانداعى تاۋەلسىزدىك مەرەكەسىنىڭ قۇنى كوك تيىن ەكەن. ەسەسىنە شىنماشىن، ياعني قىتاي پاتشالىعى اسپەتتەلىپ، تۇرىك پەن رەسەي سەريالدارى ۇزبەي كورسەتىلەدى.
«اباي-اقپارات»
www.masa.kz سايتىنان
