دۇيسەنبى, 23 قىركۇيەك 2019
ايماق 2193 0 پىكىر 7 قاراشا, 2017 ساعات 16:05

جاڭاقالانىڭ جۇرتى اۋىزسۋمەن تولىق قامتىلدى

2017 جىلدىڭ 7 قاراشاسى كۇنى بقو وڭىرلىك كوممۋنيكاتسيالار قىزمەتى الاڭىندا وتكەن كەزەكتى بريفينگكە جاڭاقالا اۋدانىنىڭ اكىمى ن.قاراعويشين قاتىسىپ، ءوزى باسقاراتىن ءوڭىردىڭ الەۋمەتتىك-ەكونوميكالىق تىنىس-تىرشىلىگى تۋرالى تولىق اقپارات بەردى.

ونىڭ ايتۋىنشا، 2017 جىلىنىڭ 1 قازانىنداعى مالىمەت بويىنشا جاڭاقالا اۋدانىنىڭ بيۋدجەتىنە 3 ملرد. 383 ملن 510,1 مىڭ تەڭگە كولەمىندە سالىقتار مەن تۇسىمدەر، 2 ملرد. 761 ملن. 515,0 مىڭ تەڭگە مولشەرىندە سۋبۆەنتسيالار مەن ترانسفەرتتەر تۇسكەن. اۋداندىق بيۋدجەتتىڭ 9 ايداعى كىرىستەر جوسپارى 105 پايىزعا ورىندالىپ وتىر.

كۇنى بۇگىن اۋداندا 84 زاڭدى جانە 1096 جەكە تۇلعا جۇمىس ىستەيدى (1626 ادام). 2017 جىلدىڭ 1 قازانىنا كاسىپكەرلىك سۋبەكتىلەرى 3 ملرد. 682,4 ملن. تەڭگەنىڭ، وندىرىستىك تسەحتار 74 ملن. 491,0 مىڭ تەڭگەنىڭ ءونىمىن ءوندىردى.
اۋدان كولەمىندە شاعىن جانە ورتا كاسىپكەرلىكتى دامىتۋ ناتيجەسىندە از قامتىلعان وتباسىلار سانى ازايىپ كەلەدى. ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017–2021 جىلدارعا ارنالعان باعدارلاماسى اياسىندا 106 ادام 403,7 ملن. تەڭگە نەسيە السا، باسقا قورلاردان 80 ادام 692,0 ملن. تەڭگە نەسيە الدى.

بارلىق مەنشىك ءتۇرىن قوسىپ ەسەپتەگەندە 2017 جىلدىڭ 1 قازانىنا اۋدان بويىنشا 52097 باس ءىرى قارا، 201675 باس قوي–ەشكى، 21132 باس جىلقى، 912 باس تۇيە ەسەپتە تۇر. اسىل تۇقىمدى مال شارۋاشىلىعىمەن اينالىساتىن 29 شارۋاشىلىق تىركەلگەناتاپ ايتقاندا ەدىلباي قويىن وسىرۋمەن 5 شارۋاشىلىق، كوشىم جىلقىسىن وسىرۋمەن 3 شارۋاشىلىق، اسىل تۇقىمدى ءىرى قارا  وسىرۋمەن 21 شارۋاشىلىق اينالىسادى. سونىڭ ىشىندە: قازاقتىڭ اقباس تۇقىمدى سيىرىن وسىرەتىن - 15, اسىل تۇقىمدى گەرەفورد سيىرىن وسىرەتىن - 3,  اسىل تۇقىمدى انگۋس سيىرىن وسىرەتىن - 2,   ءسۇتتى باعىتتاعى قىردىڭ قىزىل سيىرىن وسىرەتىن 1 شارۋاشىلىق بار. 14 اۋىل شارۋاشىلىعى كووپەراتيۆى قۇرىلعان (518 مۇشەسى بار).

مال شارۋاشىلىعىنىڭ ونىمدىلىگى مەن ساپاسىن ارتتىرۋ ماقساتىندا اعىمداعى جىلدىڭ ەسەپتىك كەزەڭىنە تۇقىمدىق تۇرلەندىرۋ جانە اسىل تۇقىمدى مال ساتىپ العانى ءۇشىن 42017 باس مالعا 365,1 ملن. تەڭگە سۋبسيديا تولەندى. ينۆەستيتسيالىق سالىمداردى سۋبسيديالاۋ باعىتى بويىنشا 34 شارۋا قوجالىعى 54 ملن. 766 مىڭ تەڭگە سۋبسيديا الدى.
اۋدان ورتالىعى - جاڭاقالا اۋىلىندا مال سويىپ، ەت توڭازىتۋعا ارنالعان كومبينات قالىپتى تۇردە جۇمىس جاساۋدا. شارۋا قوجالىقتارى 57 بىرلىك تەحنيكا ساتىپ الدى  (سونىڭ ىشىندە 28 تەحنيكا ليزينگ ارقىلى).
اۋىل شارۋاشىلىعىن دامىتۋداعى وزەكتى ماسەلەلەردىڭ ءبىرى بۇل - وزەن-كولدەر مەن كولتاباندارعا سۋ الۋ ماسەلەسى. بۇل باعىتتا وبلىس باسشىلىعىنىڭ قولداۋىمەن قازىرگى تاڭدا كيروۆ-شەجىن سۋارناسىنا جوندەۋ جۇمىستارى جۇرگىزىلۋدە. سول ارقىلى اۋداننىڭ اۋماعىنداعى قاراوزەن مەن سارىوزەنگە جايىقتان سۋ جىبەرىلىپ، وزەن-كولدەر مەن كولتابانداردى سۋمەن قامتۋ ماسەلەسى شەشىمىن تاباتىن بولادى.
اۋداندا جۇمىسپەن قامتۋ ورگاندارىنا جولىققان 1124 ادامنىڭ بارلىعى تۇراقتى جۇمىسقا ورنالاستى، اقىلى قوعامدىق جۇمىسقا 355 ادام تارتىلدى، 402 جاڭا جۇمىس ورىندارى اشىلدى.

اۋداندا 14 جالپى ورتا ءبىلىم بەرەتىن، 7 باستاۋىش مەكتەپتە 3817 وقۋشى ءبىلىم الۋدا، 7 مەكتەپكە دەيىنگى ۇيىمداردا، 12 شاعىن ورتالىقتاردا، 1 مەكتەپ – بالاباقشادا 1161 بالا تاربيەلەنۋدە.

اۋدان بويىنشا دەنساۋلىق ساقتاۋ سالاسىندا 1 اۋرۋحانا، 5 دارىگەرلىك امبۋلاتوريا، 3 فەلدشەرلىك – اكۋشەرلىك پۋنكت، 13 مەديتسينالىق پۋنكتتە 28 دارىگەر مەن 151 ورتا بۋىن مەديتسينالىق قىزمەتكەر حالىققا قىزمەت كورسەتەدى.
اۋدان حالقىنىڭ 26,6 پايىزىن (6483) جاستار قۇرايدى. اعىمداعى جىلى جاس مامانداردى اۋدانعا تارتۋ ماقساتىندا 30 جاس مامانعا 4 ملن. 764,9 مىڭ تەڭگە كوتەرمە اقى تولەنسە، 23 مامانعا تۇرعىن ءۇي الۋ ءۇشىن 74 ملن. 723,5 مىڭ تەڭگە نەسيە بەرىلدى. جالپى، جاس مامانداردى اۋدانعا تارتۋ ماقساتىندا 2009 - 2017 جىلدارى ارالىعىندا  274 جاس مامانعا 33 ملن. 063,6 مىڭ تەڭگە كوتەرمە اقى تولەنسە، 149 مامانعا تۇرعىن ءۇي الۋ ءۇشىن 374 ملن. 675,5 مىڭ تەڭگە نەسيە بەرىلدى.

اۋدان بويىنشا ورتالىقتاندىرىلعان اۋىز سۋمەن تۇرعىنداردىڭ 42,5 پايىزى قامتىلعان, بۇل 10 332 ادام. ۇستىمىزدەگى جىلى جاڭاقالا توپتىق سۋ قۇبىرىنىڭ قۇرلىسىنا 2 ملرد. 533 ملن. تەڭگە ءبولىنىپ، قازىر قۇرىلىس جۇمىستارى جۇرگىزىلۋدەتوپتىق سۋ قۇبىرى ىسكە قوسىلعاندا اۋدان تۇرعىندارىنىڭ 79,1 پايىزى (19 210 ادام) تازا سۋمەن قامتىلاتىن بولادى. بيىل «اقبۇلاق» باعدارلاماسى بويىنشا پياتيمار، بىرلىك، ماستەكساي، مۇقىر اۋىلدارىنا سۋ قۇبىرى تارتىلۋدا (بولىنگەن قارجى 1119,8 ملن. تەڭگە، جالپى جوبانىڭ قۇنى 1245,0 ملن تەڭگە).

سونىمەن قاتار، جۋالىوي، مۇقىر، سارىكول، جانگەلدى اۋىلدارىن تابيعي گازبەن قامتۋ ءۇشىن جوبالىق قۇنى 184,0 ملن. تەڭگە تۇراتىن گاز قۇبىرىن تارتۋ جۇمىستارى جۇرگىزىلۋدە. كۇنى بۇگىن اۋداندا 20 162 ادام تابيعي گازبەن قامتىلىپ، ول 87,1 پايىزدى قۇراسا، جوعارىدا اتالعان 4 اۋىل تابيعي گازعا قوسىلعاندا 22 820 ادام تابيعي گازبەن قامتىلىپ، كورسەتكىش 93,9 پايىزدى قۇرايتىن بولادى.

سونداي-اق جاڭاقازان، جاڭاجول، سارىكول، قىرقوپا اۋىلدارىن اۋىز سۋمەن، جاڭاقالا اۋىلىنداعى تۇرعىن ءۇي ۋچاسكەلەرىن ينجەنەرلىك ينفراقۇرىلىم جەلىلەرىمەن جابدىقتاۋعا، ماستەكساي جانە جاڭاجول اۋىلدارىنىڭ مادەنيەت ۇيلەرى قۇرىلىسىنا، جاڭاقالا اۋىلىنان 3 قاباتتى 21 پاتەرلىك جالدامالى تۇرعىن ءۇي قۇرىلىسىنا، 3 قاباتتى 24 پاتەرلىك جالدامالى تۇرعىن-ءۇي مەن ينجەنەرلىك جەلىلەردىڭ قۇرىلىسىنا، جاڭاقالا اۋىلىندا 160 ورىندىق دەنەشىنىقتىرۋ - ساۋىقتىرۋ كەشەنى قۇرىلىسىنا، جۋالىوي، مۇقىر، سارىكول، جانگەلدى ەلدى مەكەندەرىنىڭ الەۋمەتتىك نىساندارىن گازبەن جابدىقتاۋ جانە اۋىل ىشىندەگى جەلىنىڭ قۇرىلىسىنا، سالتانات، سارالجىن، پلانتاتسيا، بورىق  اۋىلدارىن تابيعي گازبەن جابدىقتاۋعا، جاڭاقالا اۋدانى ورتالىعىنىڭ كوشەلەرىنە 3,5 شاقىرىم جاياۋ جۇرگىنشى جولىن سالۋعا، جاڭاقالا اۋىلى س.باباجانوۆ، استانا، تاۋەلسىزدىكتىڭ 20 جىلدىعى، ع.سالىقوۆ، جەلتوقسان، 1-مامىر، قۇرمانعازى، مەڭدىحانوۆ  جانە جەڭىستىڭ 30 جىلدىعى كوشەلەرىنە كۇردەلى جوندەۋ جۇمىستارىنا جوبالىق-سمەتالىق قۇجاتتار جاساقتالدى. چاپاەۆ-جاڭاقالا-سايحىن اۆتوكولىك جولىنىڭ 52 شاقىرىمىن جوندەۋگە 2 ملرد. تەڭگە قارجى ءبولىنىپ، ءتيىستى جوندەۋ جۇمىستارى جۇرگىزىلدى. بۇنىڭ سىرتىندا جاڭاقالا اۋىلى كوشە جولدارىنىڭ 5,7 شاقىرىمىن ورتاشا جوندەۋگە 174342,0 مىڭ تەڭگە قاراجات ءبولىنىپ، جۇمىستار جۇرگىزىلۋدە.

«وڭىرلەردى دامىتۋ» باعدارلاماسى شەڭبەرىندە 2017 جىلى بارلىق اۋىلدىق وكرۋگتەردە قاتتى تۇرمىستىق قالدىقتار پوليگونىن جايلاستىرۋ ءۇشىن 22121,0 مىڭ تەڭگە قارجى قارالىپ، ءتيىستى جۇمىستار اتقارىلۋدا.

ەرعالي بەرىكۇلى

باتىس قازاقستان وبلىسىنان

Abai.kz

0 پىكىر