استانا. 15 جەلتوقسان. قازتاگ – ەلەنا پرەوبراجەنسكايا. قر پارلامەنتى ءماجىلىسىنىڭ دەپۋتاتتارى سارسەنبى كۇنى پلەنارلىق وتىرىسىندا «قر كەيبىر زاڭ اكتىلەرىنە قوعامدىق قاۋىپسىزدىكتى قامتاماسىز ەتۋ سالاسىندا قۇقىق قورعاۋ ورگاندارىنىڭ قىزمەتىن جەتىلدىرۋ ماسەلەلەرى بويىنشا وزگەرتۋلەر مەن تولىقتىرۋلار ەنگىزۋ تۋرالى» زاڭعا سەناتورلار ەنگىزگەن تۇزەتۋلەرمەن كەلىستى. وسىلايشا، زاڭ قابىلداندى دەپ ەسەپتەلەدى جانە قول قويۋ ءۇشىن مەملەكەت باسشىسىنا جولدانادى.

ەسكە سالا كەتەيىك، سەناتتا بۇل زاڭدى قاراۋ بارىسىندا جوعارعى پالاتانىڭ دەپۋتاتتارى ەكىنشى وقىلىمدا ءماجىلىس ماقۇلداعان زاڭ جوباسىنىڭ ماتىنىنە بىرقاتار تۇزەتۋلەر ەنگىزگەن بولاتىن. سەنات دەپۋتاتتارى قر قىلمىستىق كودەكسىنىڭ 32 بابىنا قۇقىق قورعاۋ ورگاندارى قىزمەتكەرلەرىنىڭ جانە اسكەري قىزمەتكەرلەردىڭ قاجەت قورعانىس قۇقىعىن ناقتىلايتىن تۇزەتۋلەردى الىپ تاستادى، ويتكەنى قاجەت قورعانىس قۇقىعىنا بارلىق جەكە تۇلعالار يە.

استانا. 15 جەلتوقسان. قازتاگ – ەلەنا پرەوبراجەنسكايا. قر پارلامەنتى ءماجىلىسىنىڭ دەپۋتاتتارى سارسەنبى كۇنى پلەنارلىق وتىرىسىندا «قر كەيبىر زاڭ اكتىلەرىنە قوعامدىق قاۋىپسىزدىكتى قامتاماسىز ەتۋ سالاسىندا قۇقىق قورعاۋ ورگاندارىنىڭ قىزمەتىن جەتىلدىرۋ ماسەلەلەرى بويىنشا وزگەرتۋلەر مەن تولىقتىرۋلار ەنگىزۋ تۋرالى» زاڭعا سەناتورلار ەنگىزگەن تۇزەتۋلەرمەن كەلىستى. وسىلايشا، زاڭ قابىلداندى دەپ ەسەپتەلەدى جانە قول قويۋ ءۇشىن مەملەكەت باسشىسىنا جولدانادى.

ەسكە سالا كەتەيىك، سەناتتا بۇل زاڭدى قاراۋ بارىسىندا جوعارعى پالاتانىڭ دەپۋتاتتارى ەكىنشى وقىلىمدا ءماجىلىس ماقۇلداعان زاڭ جوباسىنىڭ ماتىنىنە بىرقاتار تۇزەتۋلەر ەنگىزگەن بولاتىن. سەنات دەپۋتاتتارى قر قىلمىستىق كودەكسىنىڭ 32 بابىنا قۇقىق قورعاۋ ورگاندارى قىزمەتكەرلەرىنىڭ جانە اسكەري قىزمەتكەرلەردىڭ قاجەت قورعانىس قۇقىعىن ناقتىلايتىن تۇزەتۋلەردى الىپ تاستادى، ويتكەنى قاجەت قورعانىس قۇقىعىنا بارلىق جەكە تۇلعالار يە.

زاڭ جوباسىن ازىرلەۋشى ەلىمىزدىڭ ىشكى ىستەر مينيسترلىگىنىڭ مالىمەتتەرىنە سايكەس، زاڭ جوباسىمەن قوعامدىق تارتىپكە زيان تيگىزەتىن قۇقىق بۇزۋشىلىقتار جاساعانى ءۇشىن اكىمشىلىك جاۋاپكەرشىلىك قاتايتىلادى. كامەلەتكە تولماعاندارعا تۇنگى ۋاقىتتا تۇرعىن ۇيدەن تىس جەردە زاڭدى وكىلدەرىنسىز جۇرۋگە تىيىم ەنگىزىلەدى، سونداي-اق، بۇل تىيىمدى بۇزعانى ءۇشىن اكىمشىلىك جاۋاپكەرشىلىك قاراستىرىلعان.

سونىمەن قاتار، تۇزەتۋلەردى ازىرلەگەن ءىىم سپورتتىق-بۇقارالىق جانە مادەني-بۇقارالىق شارالاردى ۇيىمداستىرۋشىلارعا ازاماتتار مەن قاتىسۋشىلاردىڭ قاۋىپسىزدىگىن قامتاماسىز ەتۋ بويىنشا تالاپ قويادى.

ءبىر ادامدا بولۋى مۇمكىن اتىس قارۋىنىڭ ەڭ كوپ سانى 5-تەن 2-گە دەيىن ازايتىلادى.

سونىمەن بىرگە، جەكە مەنشىك كۇزەت ۇيىمدارىنا كەسىلگەن اتىس قارۋىن پايدالانۋعا تىيىم سالىنادى.

ەلەكتر قارۋلارىن ىشكى ىستەر ورگاندارىندا مىندەتتى تۇردەۋ تىركەۋ قاراستىرىلعان. اتىس قارۋلارىنىڭ يەلەرى ءۇشىن تۇرعىلىقتى ورنىن اۋىستىرۋ كەزىندە 10 كۇننىڭ ىشىندە قارۋدى ەسەپتەن شىعارىپ، جاڭا مەكەن-جايى بويىنشا تىركەۋگە قويۋ مىندەتتەلەدى.

زاڭ جوباسىمەن جەكە كۇزەت قىزمەتىنە باقىلاۋ دا كۇشەيتىلەدى. سيرەك قۇرىلىمدارعا كۇزەت قىزمەتتەرىن كورسەتۋگە تىيىم سالىنادى.

سونداي-اق، تۇزەتۋلەردە جەكە مەنشىك كۇزەت فيرمالارىنىڭ جۇمىسكەرلەرىنە بىرنەشە تالاپ قويىلعان. كۇزەت كاسىپورىندارىنا بۇرىپ سوتتى بولعان، وڭالتپايتىن سەبەپتەرمەن قىلمىستىق جاۋاپكەرشىلىكتەن بوساتىلعان، ءبىر جىلدىڭ ىشىندە اكىمشىلىك جاۋاپكەرشىلىككە تارتىلعان، تەرىس سەبەپتەرگە بايلانىستى قۇقىق قورعاۋ ورگاندارىنان شىعارىلعان ادامدار قابىلدانباۋعا ءتيىس.

دەپۋتاتتاردىڭ ۇسىنىسىمەن زاڭ جوباسىنا مەديتسينالىق ساۋىقتىرعىشتاردى، كامەلەتكە تولماعانداردى ۋاقىتشا وقشاۋلاۋ، بەيىمدەۋ جانە وڭالتۋ ورتالىقتارىن دەنساۋلىق ساقتاۋ جانە ءبىلىم بەرۋ ورگاندارىنا بەرۋدى، كوشى-قون ساياساتى مەن حالىقتى قۇجاتتاۋ فۋنكتسيالارىن ءىىم قۇزىرىنا بەرۋدى قاراستىراتىن نورمالار ەنگىزىلدى.