تاشكەنتتە جاعدايى تومەن وتباسىلارعا ارنالعان پاتەرلەر شەنەۋنىكتەرگە بەرىلگەن
تاشكەنتتە وزبەكستان پرەزيدەنتى شاۆكات ميرزياەۆتىڭ تاپسىرماسىمەن الەۋمەتتىك جاعدايى تومەن وتباسىلارعا ارناپ سالىنعان جاڭا تۇرعىن ءۇي كەشەنىندەگى پاتەرلەر جەرگىلىكتى بايلار مەن شەنەۋنىكتەرگە تاراتىپ بەرىلگەن.
وزبەكستاننىڭ باس پروكۋراتۋراسى پرەزيدەنتتىڭ شاعىمىنان كەيىن ءىستى تەكسەرە باستاعان. بۇل جونىندە تاشكەنت قالاسى اكىمدىگىندەگى دەرەككوز حابارلادى.
"17 قاراشادا پرەزيدەنت ميرزياەۆ سەرگەلى اۋدانىنداعى جاڭا تۇرعىن ءۇي كەشەنىنىڭ اشىلۋىنا قاتىستى. سول كەزدە تۇرعىندار وعان پاتەرلەردى بايلار مەن شەنەۋنىكتەرگە تاراتىپ بەرگەنىن ايتىپ، شاعىمدانعان. سول جەردە مەملەكەت باسشىسى ارنايى كوميسسيا قۇرىپ، تەكسەرۋدى تاپسىردى. قازىر تەكسەرۋ جۇرگىزىلىپ جاتىر،" – دەپ حابارلادى وزبەك شەنەۋنىگى.
ونىڭ سوزدەرىنشە، پاتەرلەردى بەرۋ كەزىندە الاياقتىق جوسپار ورىن العان.
Abai.kz
