940 ادام راديكالدى رايىنان قايتقان. بۇل تۋرالى مالىمەت الماتى قالاسىندا ءوتىپ جاتقان قازاقستان مۇسىلماندارى ءدىني باسقارماسىنىڭ 2017 جىلعى قورىتىندى ەسەبىندە رەسمي جاريالاندى.

قمدب ءدىني ىستەر جانە تالداۋ ءبولىمىنىڭ مالىمەتىنە سايكەس، ەلىمىز بويىنشا 940 ادام ءداستۇرلى ءابۋ حانيفا ءمازھابىنا قايتقان. ءداستۇرلى ءدىني مەكتەپتى تاڭداعان ازاماتتار سانى بويىنشا اقتوبە وبلىسى ءبىرىنشى ورىندا. وبلىس بويىنشا 308 ادام راديكالدى ءدىني كوزقاراسىن وزگەرتكەنىن رەسمي مالىمدەگەن. الماتى قالاسى بويىنشا 127 ادام راديكالدى ءدىني رايىنان قايتقان. قاراعاندى وبلىسىندا 123 ادام حانافي ءمازھابىن تاڭداعان.

«جات اعىمعا كەتكەن ازاماتتارعا ۋاعىز-ناسيحات، ءتۇسىندىرۋ شارالارىن جۇرگىزۋ – قازاقستان مۇسىلماندارى ءدىني باسقارماسىنىڭ نەگىزگى جۇمىس باعىتتارىنىڭ ءبىرى. بۇل باعىت بويىنشا جۇمىستار جىل سايىن جاندانىپ كەلەدى. يمامدار تەرىس جولعا تۇسكەن ازاماتتارمەن بىرنەشە ساعات سۇحباتتاسادى، كەزدەسەدى، ءتۇسىندىرۋ شارالارىن جۇرگىزەدى. سونىمەن قاتار، ءدىن قىزمەتكەرلەرى دەسترۋكتيۆتى ءدىني اعىم وكىلدەرى اراسىندا مادەني، رۋحاني، سپورتتىق ءىس-شارالار ۇيىمداستىرىپ كەلەدى. ماقسات – جاماعاتتى مەشىت توڭىرەگىنە توپتاستىرۋ، بىرلىككە، ىزگىلىككە ۇيىتۋ. سونىڭ ناتيجەسىندە 940 ادام ءداستۇرلى دىنگە ورالدى. بۇل باعىتتاعى جۇمىس جىل بويى جالعاسا بەرەدى»، – دەپ اتاپ ءوتتى باس ءمۇفتي ەرجان قاجى مالعاجىۇلى.

جىلدىق قورىتىندى جينالىستا 2018 جىلدىڭ جۇمىس جوسپارى بەكىتىلىپ، وبلىستىڭ باس يمامدارىنا ناقتى تاپسىرمالار بەرىلدى.

Abai.kz