قازاقستان رەسپۋبليكاسى ءوزىنىڭ ساياسي-ەكونوميكالىق، الەۋمەتتىك  ماسەلەلەرىن شەشۋ جولىندا دەربەس ساياسات ۇستانا وتىرىپ، ەلدە ورىن الىپ وتىرعان وزەكتى ماسەلەلەردى شەشۋ ماقساتىندا جانە ەل الدىندا تۇرعان الىس جانە جاقىن بولاشاققا ارنالعان ۇستانىمداردى جۇزەگە اسىرۋ جولىندا ەڭبەك ەتۋ ماقساتىندا قۇرىلعان تاۋەلسىز مەملەكەت بولىپ تابىلادى.

وسى سەبەپتى XXI عاسىرداعى IT-تەحنولوگيالاردىڭ دامۋىمەن جانە الەمدىك نارىقتا اعىلشىن ءتىلىنىڭ بەلەڭ الۋىمەن بايلانىستى تەندەنتسيالارعا ىلەسە وتىرىپ دامۋ ماقساتىندا ەلباسى ن. نازارباەۆ قازاق ءتىلىنىڭ لاتىن الىپبيىنە كوشۋ قاجەتتىلىگىنە نازار اۋدارىپ قانا قويماي، 2017 جىلى وسى ءۇردىستى تۇبەگەيلى جۇزەگە اسىرۋدى قولعا الدى.

ۇستىمىزدەگى جىلى قازاق ءتىلىنىڭ لاتىن الىپبيىنە كوشۋ ۇدەرىسىنە قاتىستى ءبىرشاما پىكىرتالاستىڭ دا ورىن العانىن ايتا كەتۋ كەرەك. قىزۋ تالقىعا تۇسكەن ماسەلەگە مەن دە كوڭىل اۋدارىپ، بەي-جاي قالماۋعا تىرىسىپ، ءوز ءالىپبيىمدى ۇسىنۋدى ءجون كوردىم.

شىنتۋايتىندا، بۇل ءالىپبيدىڭ دايىندالعان مەرزىمى 2017 جىلدىڭ كىركۇيەگى ەدى. سول كەزدەن بەرى قوعام قايراتكەرلەرى مەن لينگۆيست عالىمداردان، سونداي-اق، قۇزىرلى ورگانداردىڭ وكىلدەرىنەن قۇرالعان جۇمىس توبىنىڭ وتىرىستارى ناتيجەسىندە حالىقتىڭ باسىم كوپشىلىگىنىڭ كوڭىلىنەن شىعاتىن ءبىر ءالىپبي نۇسقاسى ۇسىنىلار دەگەن ويدا ەدىم.

الايدا بولعان ءىس بولدى، جارلىققا دا قول قويىلدى، ۇسىنىلعان الىپبيگە قاجەت جاعدايدا وزگەرىستەر ەنگىزىلەتىنى دە جاريالاندى.

سوندىقتان ەلىمنىڭ تاريحىندا ورىن الىپ وتىرعان وسىناۋ يگى باستاماعا مەن دە ءوز ۇلەسىمدى قوسۋىم كەرەك دەگەن ويمەن قازاق ءتىلىنىڭ لاتىن گرافيكاسىنا نەگىزدەلگەن ءالىپبيىنىڭ تاعى ءبىر نۇسقاسىن ۇسىنعالى وتىرمىن.

مىسال رەتىندە «اباي جولى» رومانىنان ءۇزىندى كەلتىرۋدى ءجون كوردىم.

«اباي جولى» رومانىنان ءۇزىندى

ءالىپبيدىڭ ۇسىنىلىپ وتىرعان نۇسقاسىنداعى لاتىن قارىپتەرىنىڭ بەلگىلەنۋى مەن قولدانىلۋىنا قاتىستى ارنايى سيپاتتاما كەلەسى ماتەريالداردا جاريالانادى.

 ايىم تىلەپبەرگەن، مادەنيەتتانۋ ماگيسترى

Abai.kz