نۇرا ماتاي. مۇفتەكە، جابىق قۇرىلتاي يسلامعا جات نارسە!
بۇگىن استانادا قازاق مۇسىلماندارىنىڭ بەسىنشى قۇرىلتاي ءوتىپ جاتىر. استانادان الىپ، ۇشىپ جەتكەن حابارلارعا قاراعاندا، قۇرىلتايعا باق-ىنىڭ وكىلدەرى كىرگىزىلمەگەن. ازاتتىق راديوسىنىڭ جازۋىنشا، مەملەكەتتىك باق وكىلدەرى عانا بەس-ون مينۋتقا كىرىپ شىققان. قالعان جۋرناليستەردى كۇزەتشىلەر قايقايتىپ، قويداي ءيىرىپ ايداپ شىققان.
سونىمەن، سوڭعى جەتكەن حابارلار بويىنشا، قازىرگى باس ءمۇفتي قايتا سايلانعان. ءتىپتى، باس مۇفتيگە بالاما كانديدات تابىلماعان كورىنەدى. قۇرىلتايعا سەكسەننەن استام دەلەگات قاتىسىپتى. جاقىن شەتەلدەردەن دە قوناقتار كەلىپتى.
ال، قۇرىلتايدا نە تۋرالى اڭگىمە بولعانى جايلى اقپارات جوق. جۋرناليستەر «نۇر-استانا» مەشىتىنىڭ ماڭىندا قۇرىلتايدان جۇما نامازعا كەلەتىن ۇلكەن مولدالاردى كۇتىپ جۇرگەنگە ۇقسايدى. ەندى، ەل بارىنەن حاباردار بولۋعا ءتيىستى عوي.
الايدا، الەمدەگى ەڭ دەموكراتيالى، قانداي دا ءبىر قۇقىقتىڭ بۇزىلۋىنا قارسى يسلام ءدىنى ەكەنىن ەسكەرسەك، ءبىزدىڭ باس ءمۇفتي جانە ونىڭ مۇريتتەرى جابىق جاعدايدا جان بىتكەننەن جاسىرىنىپ وتكىزگەن قۇرىلتايىندا نە ءسوز بولعانىن قۇدايدان جاسىرىپ قالامىن دەپ ويلادى ما ەكەن سوندا؟! جانە ەندى قاي نۇرلى بەتتەرىمەن اللانىڭ ءۇيى مەشىتكە بارماق؟! ەلدەگى ءدىني احۋال مەملەكەتتىڭ تۇتاستىعىنا قاۋىپ ءتوندىرىپ جاتقاندا بۇ نەعىلعان جاسىرىن جيىن؟! ءتىپتى، قىزمەت قۇمارلىقتىڭ ءوزى شاريعاتقا شەت نارسە ەكەنىن باس ءمۇفتي بىلە مە ەكەن؟! جينالعاندار دا؟!
بۇگىن استانادا قازاق مۇسىلماندارىنىڭ بەسىنشى قۇرىلتاي ءوتىپ جاتىر. استانادان الىپ، ۇشىپ جەتكەن حابارلارعا قاراعاندا، قۇرىلتايعا باق-ىنىڭ وكىلدەرى كىرگىزىلمەگەن. ازاتتىق راديوسىنىڭ جازۋىنشا، مەملەكەتتىك باق وكىلدەرى عانا بەس-ون مينۋتقا كىرىپ شىققان. قالعان جۋرناليستەردى كۇزەتشىلەر قايقايتىپ، قويداي ءيىرىپ ايداپ شىققان.
سونىمەن، سوڭعى جەتكەن حابارلار بويىنشا، قازىرگى باس ءمۇفتي قايتا سايلانعان. ءتىپتى، باس مۇفتيگە بالاما كانديدات تابىلماعان كورىنەدى. قۇرىلتايعا سەكسەننەن استام دەلەگات قاتىسىپتى. جاقىن شەتەلدەردەن دە قوناقتار كەلىپتى.
ال، قۇرىلتايدا نە تۋرالى اڭگىمە بولعانى جايلى اقپارات جوق. جۋرناليستەر «نۇر-استانا» مەشىتىنىڭ ماڭىندا قۇرىلتايدان جۇما نامازعا كەلەتىن ۇلكەن مولدالاردى كۇتىپ جۇرگەنگە ۇقسايدى. ەندى، ەل بارىنەن حاباردار بولۋعا ءتيىستى عوي.
الايدا، الەمدەگى ەڭ دەموكراتيالى، قانداي دا ءبىر قۇقىقتىڭ بۇزىلۋىنا قارسى يسلام ءدىنى ەكەنىن ەسكەرسەك، ءبىزدىڭ باس ءمۇفتي جانە ونىڭ مۇريتتەرى جابىق جاعدايدا جان بىتكەننەن جاسىرىنىپ وتكىزگەن قۇرىلتايىندا نە ءسوز بولعانىن قۇدايدان جاسىرىپ قالامىن دەپ ويلادى ما ەكەن سوندا؟! جانە ەندى قاي نۇرلى بەتتەرىمەن اللانىڭ ءۇيى مەشىتكە بارماق؟! ەلدەگى ءدىني احۋال مەملەكەتتىڭ تۇتاستىعىنا قاۋىپ ءتوندىرىپ جاتقاندا بۇ نەعىلعان جاسىرىن جيىن؟! ءتىپتى، قىزمەت قۇمارلىقتىڭ ءوزى شاريعاتقا شەت نارسە ەكەنىن باس ءمۇفتي بىلە مە ەكەن؟! جينالعاندار دا؟!
بۇنىڭ ارتىندا بيلىك، ناقتىراق ايتساق، ءدىني ىستەر جونىندەگى كوميتەت تۇر دەپ ەستىپ جاتىرمىز. وسى بيلىك ءدىني احۋالدىڭ ۋشىعىپ تۇرعانىن ايقىن بىلەدى. بۇل جاعداي ساقتالا بەرسە ەل دە، مەملەكەت تە بۇلىنەتىنىن تۇسىنەدى. سوندا ماسەلەنى قالاي شەشپەك؟ بۇعان دەيىن ەلدەگى ءدىني جاعدايعا ەشبىر ىقپال جاساي الماعان ءدىني باسقارمانىڭ ەسكى قۇرامىمەن قالاي جاساماق؟! الدە ولار ءبىرىڭ ءولىپ، ءبىرىڭ قال دەپ وتىر ما؟! قاراماعىنداعى حالقىن دۇمشەلىكتىڭ دويىرلىعىنان قالاي قۇتقارماق؟! بۇل دا شاريعاتقا جات نارسە مىرزالار!
ءسويتىپ، قازاق بيلىگى دە، ونىڭ ءدىني باسقارماسى دا، باس ءمۇفتي دە يسلامنىڭ قاعيدالارىنا قارسى كەلەتىن جاعدايدا قۇرىلتاي وتكىزىپ كۇناعا باتىپ قانا قويماي، وزدەرىنىڭ قىزمەتقۇمارلىق ناپسىلەرىنە بوس ەكەنىن بارشا جۇرتقا پاش ەتتى.
ءبىزدىڭ ايتار وسى. قالعانىن قاقتاپ جەسەڭىز دە ءوزىڭىز ءبىلىڭىز!
«اباي-اقپارات»
