بىشكەك.17 جەلتوقسان. قازتاگ – قىرعىزستاننىڭ جوگوركۋ كەنەش (پارلامەنت) توراعالىعىنا (سپيكەرى) احماتبەك كەلدىبەكوۆ سايلاندى، دەپ حابارلادى قىرتاگ.

قر پارلامەنتىنىڭ دەپۋتاتتارى جۇما كۇنى پارلامەنتتىك كوپشىلىك كواليتسياسى ۇسىنعان تۇلعانى باسىم داۋىسپەن پارلامەنت باسشىلىعىنا سايلادى. ا. كەلدىباەۆتى قولداپ 101 دەپۋتات داۋىس بەرسە، 14 دەپۋتات  قارسى داۋىس بەرىپ، ءبىر بيۋللەتتەن بۇزىلعان بولىپ شىقتى.

وش وبلىسىنىڭ 44 جاسار تۋماسى ا. كەلدىبەكوۆ – «اتا جۇرت» پارتياسىنان سايلانعان دەپۋتات. ول قىرعىزستان رەسپۋبليكاسىنىڭ ەڭبەك سىڭىرگەن ەكونوميستى، ەكونوميكا عىلىمدارىنىڭ كانديداتى، كەزىندە مەملەكەتتىك سالىق قىزمەتىن باسقارعان جانە ارنايى گەنەرال-لەيتەنانت اتاعى بار. «داڭق» مەدالى مەن «دوستاستىق» وردەن يەگەرى.

ەسكە سالساق، فراكتسياارالىق كەلىسسوزدەر قورىتىندىسىندا، 16-شى جەلتوقساندا جوگوركۋ كەنەشتىڭ كواليتسيالىق باسىمدىعى قۇرىلىپ، وعان قسدپ، «رەسپۋبليكا» جانە «اتا-جۇرت» فراكتسيالارى كىرگەن.

پارلامەنتتىك كوپشىلىك كواليتسياسى سونداي-اق قىرعىز رەسپۋبليكاسىنىڭ پرەمەر-مينيسترلىگىنە المازبەك اتامباەۆتى (قسدپ), ءبىرىنشى ۆيتسە-پرەمەرلىككە ومۋربەك بابانوۆتى («رەسپۋبليكا») ۇسىندى.