جۇما, 29 ناۋرىز 2024
4160 20 پىكىر 7 جەلتوقسان, 2017 ساعات 09:52

اقش پرەزيدەنتى ترامپ يەرۋساليمدى يزرايل استاناسى دەپ تانىدى

اقش پرەزيدەنتى دونالد ترامپ "يەرۋساليمدى يزرايل استاناسى دەپ رەسمي مويىندايتىن ۋاقىت كەلدى" دەپ مالىمدەدى. 6 جەلتوقساندا جاساعان مالىمدەمەسىندە ترامپ اقش ەلشىلىگىن تەل-اۆيۆتەن يەرۋساليمگە كوشىرۋدى باستاۋدى تاپسىردى. وعان ءۇش جىلدان ءتورت جىلعا دەيىن ۋاقىت كەتەدى دەدى.

ترامپ سونىمەن بىرگە يزرايلدىكتەر مەن پالەستيندىقتاردى تاتۋلاستىرۋ ءۇشىن، قولدان كەلگەنىن جاسايتىنىن مالىمدەدى.

ترامپ ءوزىنىڭ يەرۋساليمدى يزرايل استاناسى دەپ تانيتىنىن ايتۋعا باياعىدان دايىن بولعانىن ايتادى. "مەنىڭ ويىمشا، بۇل ءپىسىپ-جەتىلگەن. كوپتەگەن پرەزيدەنتتەر بىردەڭە ىستەگىسى كەلەدى، بىراق ەشتەڭە ىستەمەدى", – دەدى.

وسىعان دەيىن دە ترامپ قۇراما شتاتتار يەرۋساليمدى يزرايل استاناسى دەپ تانيتىنىن جانە ەلشىلىكتى تەل-اۆيۆتەن يەرۋساليمگە كوشىرگىسى كەلەتىنىن ايتىپ كەلگەن. ول بۇل جونىندە يزرايل، پالەستينا اۆتونومياسى، ساۋد ارابيا، ەگيپەت جانە يوردانيا باسشىلارىمەن تەلەفون ارقىلى اڭگىمەسىندە ايتقان.

اراب ەلدەرىنىڭ ليدەرلەرى دونالد ترامپتىڭ مالىمدەمەسىن بىردەن سىنعا الدى. ەۋروپالىق وداقتىڭ سىرتقى ىستەر جونىندەگى جوعارعى وكىلى فەدەريكا موگەريني پالەستيندىقتار مەن يزرايلدىقتاردىڭ بەيبىت كەلىسىمىنە سەلكەۋ تۇسىرەتىن كەز-كەلگەن ارەكەتتەن قالىس قالۋ كەرەك دەپ مالىمدەدى. فرانتسيانىڭ سىرتقى ىستەر مينيسترلىگى يەرۋساليم مارتەبەسىن تەك يزرايل-پالەستينا كەلىسسوزى عانا شەشۋگە ءتيىس دەيدى.

امەريكا ەلشىلىگىنىڭ يەرۋساليمگە كوشۋى جانە قالانى استانا رەتىندە تانۋى حالىقارالىق كونسەنسۋسقا قايشى كەلەدى. باتىس ەلدەرىنىڭ دەنى يەرۋساليمدى يزرايل استاناسى رەتىندە مويىندامايدى. پالەستيندىقتار مۇسىلمان، حريستيان جانە ەۆرەي دىندەرىنىڭ كيەلى قالاسى بولىپ سانالاتىن شىعىس يەرۋساليم وزدەرىنىڭ ەلدەرىنىڭ استاناسى بولادى دەيدى.

Abai.kz

20 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604