تۇركىمەنستاندا بەلسەندى كۋچەرەنكونى پاتەرىندە يت ۇستاعانى ءۇشىن 15 تاۋلىككە قامادى
12 جەلتوقساندا بەلسەندى گالينا كۋچەرەنكونى قىزى ۆالەريامەن كەزدەستىرۋگە جانە جىلى كيىم الۋعا رۇقسات بەردى. بۇل تۋرالى اشحاباد شەتىندە ورنالاسقان اباقتىعا ۆالەريامەن بىرگە بارعان ازاماتتىق بەلسەندى ناتاليا شابۋنتس حابارلادى.
«حرونيكا تۋركمەنيستانا» باسىلىمىنىڭ حابارلاۋىنشا، گالينا كۋچەرەنكونى 15 تاۋلىككە قاماعان. بىرنەشە كۇن بويى ونىڭ تاعدىرى تۋرالى مالىمەت بولمادى. ونى 7 جەلتوقساندا ۇستاپ اكەتكەن ەدى. بەلسەندىنىڭ كورشىلەرى كۋچەرەنكو ۇيىندە يت پەن مىسىق ۇستاعانى ءۇشىن شاعىمدانعان.
كۋچەرەنكونى قورعاۋ مەن قولداۋعا ارنالعان حالىقارالىق ناۋقان باستالدى. حالىقارالىق ادام قۇقىعىن قورعاۋشى ۇيىمدار تۇركىمەن بيلىگىنەن جانۋارلاردىڭ قامقورشىسىن بوساتۋدى تالاپ ەتتى.
Abai.kz
