وتكەن اپتادا استانادا اۋىس-ءتۇيىس بولدى. بۇگىن ەسكىدەن كەلە جاتقان جاڭا كادرلاردىڭ روكيروۆكاسىنا توقتالعاندى ءجون كوردىك.

ومەكەڭ - ومىرزاق شوكەەۆ ۆيتسە-پرەمەر مينيستر، اۋىلشارۋاشىلىق ءمينيسترى بولىپ تاعايىندالدى.

ومەكەڭ ءوزى قىزىق ادام. ول بۇرىن "سامرۇق-قازىنا" ۇلتتىق ءال-اۋقات قورىن باسقارعان ەدى. سول قوردىڭ باسشىلىق قىزمەتىندە بەل شەشىپ، بىلەك سىبانىپ قىزۋ ءجۇمىس ىستەپ جۇرگەن ومىرزاق ەستايۇلى، بىردە پرەزيدەنتپەن كەزدەسكەن ەدى. كەزدەسكەندە دە، پاپاسىنان كامپيت سۇراعان جۇگەرمەكتەي جىلامسىراعان.

ومىرزاق شوكەەۆ:

-بىزدە، قوردا قارجى مول كەزدە، شەتەلدە كوپتەگەن وكىلدىكتەر اشىلدى. الەم بويىنشا 36 وكىلدىگىمىز بار. ولار ءبىر-ءبىرىنىڭ اياعىنان شالىپ، جۇمىس جاساۋعا كەدەرگى كەلتىرىپ جاتىر. مەن بۇلاردىڭ بارلىعىن قىسقارتىپ، الەم بويىنشا 3 وكىلدىكتى عانا قالدىرۋدى ۇسىندىم. لوندوندا، بەيجىڭدە جانە ماسكەۋدە. جاڭاعىلاردىڭ جۇمىسىن وسى ءۇش وكىلدىك تولىق اتقارا الادى. سوندا عانا جىلدام ءارى جاقسى ناتيجەگە قول جەتكىزۋگە بولادى.

ەەە...ىىىى...ول ءۇشىن ديستسيپلينا كەرەك ءبىزدىڭ كومانداعا.

پرەزيدەنت:

-كىم جاڭاعى ديستسيپلينانى ورناتادى؟

ومكەڭ:

-ىىى...كىى..ۋۋ...ءااا...ترانسفورماتسيا جايلى ايتسام، نۇرسۇلتان ءابىشۇلى مۇنداي كوماندا بەرۋ قۇقىعىم بولسا دەيمىن. بارلىق حولدينگ بويىنشا...

پرەزدەنت:

-ۆوت، مىناۋ ايتقاندارىڭنىڭ بارلىعى بويىنشا ما؟

-ومكەڭ:

-ءيا...

پرەزيدەنت:

-سەنى ەشكىم تىڭداماي ما نە؟

ومكەڭ:

-(كۇلدى).تىڭدامايدى دەگەندە بىلاي عوي...مەن مىسالى، وكىلدىكتەر جونىندە ءبىر جىل بۇرىن شەشىم شىعاردىم. بىراق، سول وكىلدىكتەر ءالى كۇنگە جابىلعان جوق.  سول ءۇشىن عوي...بۇل ءبىر عانا مىسال عوي.

پرەزيدەنت:

-سەن جاس، كۇش-قۋاتىڭ تاسىپ تۇرعان، ءبىلىمدى جىگىتسىڭ. سەنىڭ لاۋازىمىڭ بار. ساعان قۇزىرەت بەرىلدى. ەندى كەپ، سەنى ەشكىم تىڭدامايدى دەپ شاعىمدانىپ تۇرسىڭ. ەستۋدىڭ ءوزى ىڭعايسىز ەكەن. كىم تىڭدامايدى، داۆاي، ايتشى. مەن كوماندا بەرەيىن. كىم ومىرزاقتى تىڭداماي ءجۇر؟

ومكەڭ:

-نۋ، تام جە، نۇرسۇلتان ءابىشۇلى، كوپتەگەن مۇددەلەر بار عوي. پروستو، ماعان ءسىزدىڭ ءبىر اۋىز ءسوزىڭىز كەرەك.

-پرەزيدەنت:

-ايتىڭدارشى، مىنە، ايتىپ وتىرمىن عوي. باسقا نە دەيسىڭ؟!

-ومكەڭ:

-بولدى وندا...

بۇل پرەزيدەنت پەن ومىرزاق ەستايۇلىنىڭ ەكى جىل بۇرىن كەزدەسكەندەگى ديالوگى. 2015 جىل. 18-قاراشا. اقوردا.

پرەزيدەنتتىڭ "كۇش-قايراتى تاسىپ تۇرعان" دەپ ماقتاۋىن اسىرعان ومىرزاعى قازىر 53-تە. قورداعى قوجايىننىڭ بالالارىنا ءسوزىن وتكىزە الماي، وكپەلەپ كەلىپ، پرەزيدەنتكە شاعىمدانعان ومكەڭ ەندى پرەمەر-ءمينيستردىڭ ورىنباسارى. ۇكىمەتتە جۇمىس جاسايتىن بولدى.

ءيا، "سامرۇق-قازىنادا" جۇرگەندە شىرەنگەن دوكەيلەردىڭ شىرىگەن باي بالا-شاعاسى شوكەەۆتى پىسقىرماي، پىسقىرماق تۇگىلى ادام قۇرلى كورمەگەنى راس. سودان امالى تاۋسىلعان ومكەڭ، بىردەڭە بولسا، ەلباسىمەن" قورقىتارمىن" دەگەن ويمەن، قوردا دا وسىلاي سويلەپ ەدى.

ايتپاقشى، ومكەڭنىڭ جاڭا قىزمەتى اۋىلشارۋاشىلىق مينيسترلىگى. ومكەڭە دەيىن بۇل كرەسلودا اسقار يسابەكۇلى مىرزاحمەتوۆ وتىردى.

مىرزاحمەتوۆ 15-جەلتوقسان كۇنى قىزمەتىنەن بوساتىلدى. پرەزيدەنت نازارباەۆ اسەكەڭدى قىزمەتىنەن بوساتۋ تۋرالى جارلىق شىعارىپتى.

ەندى اسەكەڭ قايدا بارادى ەكەن دەگەن ساۋال ەل ىشىندە گۋلەپ تۇر. ساياساتتىڭ ار جاق، بەر جاعىندا جۇرگەندەر ءتۇرلى بولجام ايتۋدا. بىرەۋلەر استاناداعى اسەتتى اۋىستىرادى دەسە، ەندى بىرەۋلەر الماتىعا كەپ، باۋىرجان بايبەكتى اقوردا جاققا جىبەرەدى دەگەن سىبىس تاراتۋدا.

كىم نە دەسە دە، اسەكەڭ قىزمەتسىز جۇرگەنىنە تۇپ-تۋرا ءۇش كۇن. ءالى تىنىش. اسەكەڭ قايدا؟.. اسەكەڭنەن حابار بار ما؟ قايدا، نە ىستەپ ءجۇر؟

قوسىمشا: اسقار يسابەكۇلى بيىل 55 جاستا.

1984 جىلى  موسكۆا،  تيميريازوۆ اكادەمياسىن  «زووينجەنەر» ماماندىعى بويىنشا اياقتاعان;

ەڭبەك ءوتىلى: قازاقستاننىڭ قاراكول شارۋاشىلىعى عىلىمي-زەرتتەۋ ينستيتۋتىنىڭ كىشى عىلىمي قىزمەتكەرى (1984-1985); قازاقستاننىڭ مال شارۋاشىلىعى عىلىمي-زەرتتەۋ ينستيتۋتىنىڭ اعا عىلىمي قىزمەتكەرى (1988-1991);

«قازاقستان» رەسپۋبليكالىق بيرجاسىنىڭ ۆيتسە-پرەزيدەنتى، ورتا ازيا جانە قازاقستان بيرجالارى قاۋىمداستىعىنىڭ باسقارما توراعاسى، «ەلەكتروندى سۋپەرماركەت» اق پرەزيدەنتى (1991-1995); «Tasmo» ينۆەستيتسيالىق فيرماسىنىڭ باس ديرەكتورى (1995-1996); «اگرو-ليزينگ» اق باس ديرەكتورى (1996-1999);

قازاقستان رەسپۋبليكاسى پرەمەر-ءمينيسترىنىڭ شتاتتان تىس كەڭەسشىسى (1997-1999);

قازاقستان كاسىپكەرلەرى فورۋمى كەڭەسىنىڭ توراعاسى (1999 جىلدىڭ ناۋرىزىنان تامىزىنا دەيىن);

قازاقستان رەسپۋبليكاسى اۋىل شارۋاشىلىعى ۆيتسە-ءمينيسترى (1999-2002);

قازاقستان رەسپۋبليكاسى اۋىل شارۋاشىلىعى بىرىنشى ۆيتسە-ءمينيسترى (2002-2005);

قر اۋىل شارۋاشىلىعى مينيسترلىگى ورمان جانە اڭ شارۋاشىلىعى كوميتەتى توراعاسىنىڭ مىندەتىن اتقارۋشى (2003-2004);

قازاقستان رەسپۋبليكاسى اۋىل شارۋاشىلىعى مينيسترى (2005-2006);

وزبەكستان رەسپۋبليكاسىنداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى (2006-2007);

«وڭتۇستىك» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اق باسقارماسىنىڭ توراعاسى (2007-2009);

وڭتۇستىك قازاقستان وبلىسىنىڭ اكىمى (2009-2015);

«نۇر وتان» پارتياسى توراعاسىنىڭ ءبىرىنشى ورىنباسارى (2015 جىلدىڭ تامىزىنان باستاپ);

2016 جىلدىڭ مامىرىنان ەلباسىنىڭ جارلىعىمەن قازاقستان رەسپۋبليكاسى اۋىل شارۋاشىلىعى ءمينيسترى بولىپ تاعايىندالدى.

2016 ج. 14 ماۋسىمدا مەملەكەت باسشىسىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى - قازاقستان رەسپۋبليكاسى اۋىل شارۋاشىلىعى ءمينيسترى بولىپ تاعايىندالدى.

نۇرگەلدى ابدىعانيۇلى

Abai.kz