سەنات سپيكەرى قاسىم-جومارت توقاەۆ لاتىن الىپبيىنە قاتىستى پىكىر ءبىلدىرىپ، "تۆيتتەر" جەلىسىندەگى جەكە پاراقشاسىندا جازبا جاريالادى.

دالىرەك ايتساق، سەنات توراعاسى قازاق ءتىلىنىڭ لاتىن گرافيكاسىنداعى اپوستروفتى نۇسقاسىن پادالانۋعا ءالى ەرتە ەكەندىگىن ايتتى.

"ۇلتتىق كوميسسيا قازاق ءتىلى لاتىن ءالىپبيى بويىنشا ناقتى شەشىمگە كەلگەن جوق، سوندىقتان "اپوستروف" ءالىپبيىن گازەتتەردە يا باسقا جەرلەردە پايدانالۋعا ءالى ەرتە", - دەپ جازادى قاسىم-جومارت كەمەلۇلى توقاەۆ.

مەملەكەت باسشىسى قازاق ءتىلىن لاتىن گرافيكاسىنا كوشىرۋ تۋرالى پارمەنىنەن كەيىن، ءالىپبيدىڭ بىرنەشە نۇسقاسى ازىرلەنگەن بولاتىن. سونىڭ ىشىندە، پرەزيدەنتتىڭ ءوزى كورىپ،كەم-كەتىگىن تۇزەتكەن نۇسقاسى - اپوستروفتى نۇسقا ەدى.

قازاق ءتىلىن لاتىن الىپبيىنە كوشىرۋ جۇمىسىمەن تىكەلەي اينالىسىپ وتىرعان ۇلتتىق كوميسسيا قورىتىندى شەشىمدى ءالى شىعارعان جوق.

دەگەنمەن، ءۇتىر ارقىلى جازۋ پروتسەسسىن كەيبىر باق وكىلدەرى مەن قوعامدىق ۇيىمدار باستاپ كەتكەن بولاتىن.

ايتا كەتەيىك، ءۇتىر ارقىلى جازىلاتىن لاتىن ءالىپبيىنىڭ ەكىنشى نۇسقاسى قوعامدا قىزۋ تالقىعا ءتۇسىپ، نارازىلىقتى كۇشەيتتى.

Abai.kz