تاجىكستان داۋىلدى جەل سالدارىن جويا الماي جاتىر
26-نان 27 جەلتوقسانعا قاراعان ءتۇنى حۋدجاند پەن سوعدى وبلىسىنىڭ كەيبىر اۋداندارىندا بولعان قاتتى داۋىل سالدارى ءالى جويىلعان جوق. مىڭداعان تۇرعىن جارىقسىز قالدى.
سوعدى وبلىسى بويىنشا توتەنشە جاعدايلار قىزمەتى (تجق) تەك بىرقاتار اۋىلداعى اپاتتان كەيىنگى جاعدايدى قالپىنا كەلتىرگەن. وندا جارىق بەرىلگەن دەپ حابارلايدى وبلىستىق شتابتىڭ ءباسپاسوز حاتشىسى شاحزودا بۋتاەۆا.
ونىڭ سوزدەرىنشە، داۋىلدى جەل مەن ىلعال قار ءتورت ستانتسيانىڭ اپاتقا ۇشىراۋىنا سەبەپ بولعان. سالدارىنان تۇرعىندار جارىقسىز قالعان. بىراق ادام قۇربانى بولماعان.
وسىعان دەيىن حۋدجاند ورتالىعىندا ورناتىلعان 16 مەترلىك جاڭاجىلدىق شىرشانىڭ قۇلاعانى، ءۇي، دۇكەن تەرەزەلەرى سىنعانى حابارلانعان.
مامانداردىڭ ايتۋىنشا، سوعدى وبلىسىندا مۇنداي قاتتى جەل سوڭعى 40 جىلدا بولماعان.
Abai.kz
