قىرعىزستاندا وقۋشىلار گەنەراتور گازىنان جاپپاي ۋلانعان
قىرعىزستاننىڭ شۋ وبلىسى كەگەتى اۋىلىندا يساەۆ اتىنداعى ورتا مەكتەپتىڭ 50 وقۋشىسى گەنەراتور گازىنان جاپپاي ۋلانىپ قالعان.
توتەنشە جاعدايلار قىزمەتى مالىمەتى بويىنشا، 27 جەلتوقساندا 7 جانە 8 سىنىپ وقۋشىلارى مەكتەپتىڭ سپورت زالىندا جاڭاجىلدىق كەش ۇيىمداستىرعان. ەلەكتر جارىعى ءسونىپ قالعاندىقتان، ولار گەنەراتور پايدالانعان. ءۇش ساعاتتان كەيىن وقۋشىلار جەدەل جاردەم شاقىرعان. قازىر ەمدەلۋشىلەردىڭ جاعدايى بىرقالىپتى.
27 جەلتوقسانعا قاراعان ءتۇنى قىرعىزستاننىڭ بىرقاتار اۋداندارىندا قاتتى قار جاۋىپ، ەلەكتر سىمدارى ۇزىلگەن. بىشكەكتىڭ جارتىسى مەن شۋ جانە تالاس وبلىسىنىڭ بىرقاتار اۋدانى جارىقسىز قالعان.
Abai.kz
