جەكسەنبى, 24 قازان 2021
ايتقىش ەكەن 5343 14 پىكىر 1 قاڭتار, 2018 ساعات 12:06

ەلباسى جاڭا جىلدى قايدا قارسى الدى؟

 

ەلباسىمىز جاڭا جىلدى قايدا قارسى الادى؟ شاماسى، جىلدا ءوزىنىڭ قىزمەتتىك كەڭسەسىندە وتىرىپ قارسى الاتىن بولسا كەرەك. ويتكەنى ول "جاڭا جىلدى قايدا قارسى الساڭ سول جەردەن شىعارىپ سالاسىڭ", - دەدى. بۇل تۋرالى الەۋمەتتىك جەلىلەردە پرەزيدەنتتىڭ قاتىسۋىمەن وتكەن كەشەگى شىرشا مەرەكەسىندە بولعان جۋرناليستەر جازىپ جاتىر. ارىپتەستەرىمىزدىڭ جازۋىنا قاراعاندا، مەرەكەلىك كوڭىل كۇيگە ساي، ەلباسى ءسوزىن ازىلمەن باستاعان كورىنەدى.

- ادەتتە جۇرتتىڭ بىلگىسى كەلەتىنى وسى: پرەزيدەنت جاڭا جىلدى قايدا قارسى الادى؟ ارينە، ءوزىنىڭ وفيسىندە وتىرىپ قارسى الادى. ويتكەنى، جاڭا جىلدى قايدا قارسى الساڭ سول جەردەن شىعارىپ سالاسىڭ!

شات-شادىمان كوڭىل-كۇيدەگى ۇلىقتار ورتاسى مەن قوناقتار جاعى ەلباسىنىڭ ازىلگە سۇيەپ ايتقان ءسوزىن جىلى قابىلداپ، قول سوعىپ جىبەرگەنگە ۇقسايدى. بۇدان سوڭ نازارباەۆ جاراتۋشى يەمىزدىڭ ادامداردان باقىتتى جاسىرىپ قويعىسى كەلگەنى تۋرالى عيبارتتى-افساناعا جۇگىنىپتى.

"قۇداي جان-جانۋاردى، باسقالاردى تۇگەل جاراتىپ بولىپ، ء"بارىنىڭ دە باقىتتى بولعىسى كەلەدى. سوندىقتان بۇل باقىتتى قايدا جاسىرسام ەكەن؟" دەپ ويلانىپتى. جەردىڭ استىنا جاسىرايىن با - تاۋىپ الادى. سۋدىڭ ىشىنە ساقتايىن با - ءبارىبىر تاۋىپ الادى. ەندەشە مەن باقىتتى ءار ادامنىڭ جۇرەگىنە بەكىتەيىن دەيدى. دەمەك، ءبىزدىڭ ءار قايسىمىزدىڭ باسىمىزعا باق قونعان، سول باقتى باعالاي بىلسەك، ءبارىمىز دە باقىتتى بولامىز".

وسىنى ايتا كەلىپ ەلباسى ءبىزدىڭ ەلىمىزدىڭ بۇگىنگى بۋرقانعان ۋاقىتتا بەيبىت ءومىر سالتىن تاۋىپ جاراسىمدىلىقپەن جاسمپازدىققا بەت العانىنا قۋانىشتى ەكەندىگىن ءبىلدىرىپ، ء"بارىمىز جۇمىلا جۇمىس جاسايىق، ەڭبەك ەتەيىك، ەڭ باستىسى ارامىزداعى سىيلاستىق، دوستىق، تۇسىنىستىك جاساي بەرسىن", - دەپ ءسوزىن تۇيىندەدى.

ەستەرىڭىزگە سالا كەتەيىك، قازاقستان ەرتەڭنەن باستاپ بۇۇ قاۋىپسىزدىك كەڭەسىنە توراعالىق قىزمەتىن باستايدى.

Abai.kz

 

 

14 پىكىر