جۇما, 29 ناۋرىز 2024
46 - ءسوز 8048 2 پىكىر 2 قاڭتار, 2018 ساعات 16:17

"قىزىم ۇيدە، قىلىعى تۇزدە"...

تۇنگى كلۋبتا شەشىنگەن قىزدى ءبىر تەۋىپ وتپەگەن قازاق قالماعان شىعار...
وتكەن جازدا تاۋكە حان كوشەسىندەگى شاعىن مەيرامحانا كومپلەكسىنىڭ بىرىندە تويدا بولعانبىز..

كومپلەكس دەپ وتىرعانىم، ات شاپتىرىم اۋماقتى الىپ جاتقان كەشەننىڭ اۋلاسىندا جازدىق تاپشاندار دا، جابىق كابينالار دا، 200-300 ادامعا ارنالعان كەڭ زال دا بار ەكەن. ءبىز 2-قاباتتا ورنالاسقان مەيرامحانادا بولدىق. توي قىزىپ، ەل جاپپاي بيلەۋگە كوشكەندە تەمەكى تارتۋعا بالكونىنا شىقتىم. تومەندەگى كەڭ اۋلانىڭ بۇرىشىنداعى ءبىر ەسىكتەن قىز-جىگىتى ارالاس جاستار ءبىرى كىرىپ، ءبىرى شىعىپ جاتىر. كەيبىرى تەمەكى تارتىپ تۇر. كەشكە جاقىن بۇل اۋلادا جاستار جوق ەدى. قىزداردىڭ تەمەكى تارتقانى تاڭسىق ەمەس قوي. ءمان بەرمەدىم دە ىشكە كىرىپ كەتتىم. ءتۇن ورتاسىندا بايبىشەم ەكەۋمىز قايتۋعا جينالىپ تومەن تۇستىك. كوشەگە شىعار جولىمىز اۋلا ارقىلى وتەدى. تەمەكى تارتۋعا شىققان قىز-جىگىتتەردىڭ قاراسى كوبەيىپ قالىپتى.تۇستارىنان ءوتىپ بارا جاتقاندا كەيبىر قىزداردىڭ قاتتىراق شىققان داۋىستارىن ءىشىپ العانىن بايقادىم. كادىمگى قاراپايىم قىزدار.تازا قازاقشا سويلەپ جاتقاندارى دا جەتكىلىكتى..

سوسىن مەندە ءبىر اۋەستىك ويانىپ، بايبىشەمدى جەتەكتەپ، الگى جاستار كىرىپ-شىعىپ جاتقان ەسىكتەن كىردىم. تۇنگى كلۋب ەكەن...

ەشتەڭەگە تۇسىنبەگەن بايبىشەم كۇڭكىلدەپ ارتىمنان ەرىپ كەلەدى...

كەڭ زالدىڭ ءىشى قارا كولەڭكە. ءدۇرس-ءدۇرس ەتكەن مۋزىكانىڭ داۋسى قۇلاق جارادى. بيلەپ جۇرگەن جاستار. كەيبىرى ءبىر-بىرىنە سۇلىكتەي جابىسىپ العان. جارق-جۇرق ەتكەن جارىقتىڭ اراسىنان ءتور جاقتا دي-دجەي بىردەمە حابارلاپ، الدە بىردەڭە ويناتىپ جاتىر. بىزگە نازار اۋدارىپ جاتقان جان بولمادى.. سوندا دا ارى قاراي تەرەڭدەۋگە باتپادىم.

***

بالالارىم جاستاۋ كەزدە، قوعامدىق كولىكتە كەيدە جاستار ورىن بەرمەي قويسا، كەشكى تاماق ۇستىندە مىندەتتى تۇردە سونى قوزعايتىنمىن. قوزعاعاندا دا، باسقاشالاۋ..

- بۇگىن ماعان ءبىر جاستار ورىن بەرمەدى. ەسكەرتۋ جاسايتىن ەدىم، ءوز بالالارىمنىڭ ۇلكەندەرگە ورىن بەرەتىن-بەرمەيتىنىن بىلمەيتىن بولعان سوڭ ۇندەمەدىم! - دەپ الىستان وراعىتىپ، بالالارعا جىمياتىنمىن.

ارينە، ولار "ورىن بەرەمىز عوي!" - دەپ، جاۋاپ قايتارادى.

ولاردىڭ قاسىندا ءجۇرىپ تەكسەرۋگە مۇمكىندىگىم بولماعان سوڭ، سوزدەرىنە سەنۋىمە تۋرا كەلەتىن..

سىزدەردىڭ ۇل-قىزدارىڭىز، ءىنى-قارىنداستارىڭىز تۇنگى كلۋبقا بارمايتىنىنا، بارسا شەشىنبەيتىنىنە سەنىمدىسىزدەر مە؟

ءومىر شىنىبەكۇلى

Facebook-تەگى پاراقشاسىنان

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532