جەكسەنبى, 19 قاڭتار 2020
2459 0 پىكىر 3 قاڭتار, 2018 ساعات 10:07

وزبەكستان تۇرعىنىن 10 جاستاعى قىزىن زورلادى دەپ ايىپتادى

وزبەكستاننىڭ ءاندىجان وبلىسى يزباسكان اۋدانىنىڭ 35 جاستاعى تۇرعىنىنا 10 جاستاعى قىزىن زورلادى دەگەن ايىپ تاعىلدى. بۇل اقپاراتتى قۇقىققورعاۋ ورگاندارى راستادى.

دەرەككوز مالىمەتىنە قاراعاندا، 35 جاستاعى اكەسىنىڭ 10 جاستاعى قىزىن زورلاعانى تۋرالى اۋەلى ونىڭ قايىن اپكەسى بىلگەن. ول بۇل تۋرالى قىزدىڭ اناسىنا، ياعني ءوزىنىڭ سىڭلىسىنە حابارلاعان.

"التى اي بويى كۇيەۋىنىڭ قىزعا كۇدىكتى ارەكەتتەر جاسايتىنىن بايقاعان. ايەلدەر وعان كوز جەتكىزگەن سوڭ عانا، بۇل تۋرالى ميليتسياعا حابارلاعان", - دەدى دەرەككوز.

اۋداندىق پروكۋراتۋرا قىلمىستىق ءىس قوزعادى. كۇدىكتىنىڭ كىناسى دالەلدەنگەن جاعدايدا، ول 15 جىلدان 20 جىلعا دەيىن باس بوستاندىعىنان ايرىلۋى مۇمكىن.

"ول قىزىن 2016 جىلدىڭ جەلتوقسانىنان بەرى زورلاپ كەلگەن. سوڭعى رەت مۇنداي جاعداي 2017 جىلى جازدا كەپتەرحانادا بولعان. بۇنى قىزدىڭ اناسىنىڭ ءسىڭلىسى كورگەن. سونىمەن بىرگە، ۇستالعان كۇدىكتى ايەلىن دە ادەپسىز تۇردە جىنىستىق بايلانىسقا تۇسۋگە ماجبۇرلەپ جۇرگەن. تەرگەۋ ءجۇرىپ جاتىر", - دەدى ءاندىجان قۇقىققورعاۋ ورگانىنىڭ ءبىر قىزمەتكەرى.

زورلىققا ۇشىراعان 10 جاستاعى قىزدىڭ جاعدايى تۋرالى مالىمەت جوق. بۇل وتباسى جۋرناليستەرمەن سويلەسۋدەن باس تارتتى.

Abai.kz

0 پىكىر