قىرعىزستانداعى ءبىلىم بەرۋ سالاسىنا 10 ملن ەۆرو ءبولىندى
ەۋروپالىق وداق قىرعىزستاننىڭ ءبىلىم بەرۋ سالاسىنىڭ دامۋىنا 10 ملن ەۆرو كولەمىندە گرانت ءبولدى.
قىرعىزستاننىڭ ءبىلىم جانە عىلىم مينيسترلىگىنىڭ حابارلاۋىنشا، بۇل قاراجات ۇكىمەتتىڭ قازىنا ەسەبىنە ءبىلىم سەكتورىن قولداۋ ءۇشىن اۋدارىلادى.
حابارلارعا قاراعاندا، بۇل باعدارلامانىڭ ماقساتى - جالپى جانە كاسىبي-تەحنيكالىق ءبىلىمدى رەفورمالاۋ، ءبىلىم ساپاسى مەن پەداگوگيكالىق ستاندارتتاردى جاقسارتۋ.
گرانت تۋرالى كەلىسىم جوگوركۋ كەنەشتە تالقىلانعان ۋاقىتتا بۇل قاراجات وقۋلىق الۋعا، مەكتەپتەرگە ينتەرنەت ورناتۋعا دا جۇمسالۋى كەرەكتىگى ايتىلعان.
Abai.kz
