جۇما, 29 ناۋرىز 2024
داڭعىل 4028 2 پىكىر 3 قاڭتار, 2018 ساعات 10:16

قازاقستان بۇۇ قاۋىپسىزدىك كەڭەسى توراعاسى مىندەتىن اتقارۋعا كىرىستى

قازاقستان قاڭتاردىڭ 1-نەن باستاپ بىرىككەن ۇلتتار ۇيىمى قاۋىپسىزدىك كەڭەسىنىڭ توراعاسى وكىلەتتىلىگىن ورىنداۋعا كىرىستى. قازاقستان سىرتقى ىستەر مينيسترلىگىنىڭ ء(سىم) حابارلاۋىنشا، استانا بۇل مىندەتتى قاڭتاردىڭ 1-ىنەن جەلتوقساننىڭ 31-نە دەيىن اتقارادى.

ءسىم-ءنىڭ مالىمەتى بويىنشا، بۇۇ قاۋىپسىزدىك كەڭەسىنە مۇشە ەلدەردىڭ تۇراقتى وكىلدەرى قاڭتار ايىنداعى توراعالىق باعدارلاماسىن قاڭتاردىڭ 2-ءى كۇنى قاراستىرىپ، قابىلدايدى دەپ جوسپارلانعان. سەيسەنبىدە قاۋىپسىزدىك كەڭەسى جۇمىسىنىڭ باعدارلاماسى تۋرالى بريفينگتەر وتكىزىلمەك. "قازاقستاننىڭ باستاماسىمەن قاۋىپسىزدىك كەڭەسىنىڭ تۇراقتى ەمەس مۇشەلەرى رەتىندە ەكى جىلدىق مەرزىمگە سايلانعانىنا بايلانىستى قاۋىپسىزدىك كەڭەسىندە العاش رەت كوت-د'يۆۋار، كۋۆەيت، نيدەرلاند، پەرۋ، پولشا جانە ەكۆاتوريالدى گۆينەيا ەلدەرىنىڭ تۋلارىن رەسمي تۇردە ورناتۋ ءراسىمى وتەدى" دەپ حابارلايدى ءسىم.

قاڭتاردىڭ 18-ءى كۇنى قازاقستان پرەزيدەنتى نۇرسۇلتان نازارباەۆتىڭ توراعالىعىمەن بۇۇ قاۋىپسىزدىك كەڭەسى مۇشەلەرىنىڭ "جاپپاي قىرىپ-جويۋ قارۋىن تاراتپاۋ: سەنىمدى نىعايتۋ شارالارى" تاقىرىبىندا جوعارى دەڭگەيدەگى تاقىرىپتىق پىكىرتالاستارى وتەدى. ساپار بارىسىندا، بۇعان دەيىن حابارلانعانداي، نازارباەۆ اقش پرەزيدەنتى دونالد ترامپپەن كەزدەسەدى دەپ جوسپارلانعان.

استانا بۇۇ قاۋىپسىزدىك كەڭەسىنىڭ توراعاسى قىزمەتىندەگى باسىمدىقتارى رەتىندە يادرولىق قارۋسىز الەمدى جاقىنداتۋ; جاھاندىق سوعىس قاتەرىن بولدىرماۋ جانە جەرگىلىكتى جانجالداردى رەتتەۋ; ايماقتىق قاۋىپسىزدىك پەن ىنتىماقتاستىقتى نىعايتۋدا ورتالىق ازيانىڭ مۇددەلەرىن ىلگەرىلەتۋ; تەرروريزمگە قارسى كۇرەس جانە وزگە ماقساتتاردى اتاپ وتىر.

قازاقستان بيلىگى تاۋەلسىزدىگىن جاريالاعالى بەرى وتكەن 26 جىلدىڭ ىشىندە ەلدىڭ ۇلكەن جەتىستىكتەرگە قول جەتكىزگەنى جانە الەمگە تانىمال بولعانى تۋرالى ايتادى. حالىقارالىق قۇقىق قورعاۋشى ۇيىمدار رەسمي استانانى ەلدە وزگە پىكىردەگىلەردى قۋدالاپ، نەگىزگى قۇقىقتار مەن بوستاندىقتاردى شەكتەيتىنى جانە تۇرمەدە ساياسي تۇتقىنداردى ۇستاپ وتىرعانى ءۇشىن سىناپ كەلەدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564