عۇمىرىمدا ەليتالىق پەن گۋمانيتارلىق ورتا، ھəم əسەم عيماراتتاعى وفيستە جۇمىس ىستەپ كورمەگەن سونداي ءبىر جانمىن. ستۋدەنت بولىپ، ءبىتىرىپ، قولعا ديپلوم العالى بەرى ءوز ماماندىعىممەن جۇمىس جاساماي، تىپتەن قاراما قارسى باعىتتا ءومىر ارناسىن باستاپ كەتىپ، سول كوز اشقالى ءوندىرىس وڭىرىنەن تىزگىنىمدى ۇزگەن ەمەسپىن.

بىرەسە قارا جەردە، بىرەسە سۋ بەتىندە الما-كەزەك ۋاقىت پەن جىلدار جۇمساپپىن. ءتۇرلى فيرما مەن ءتۇرلى ورتا، ءتۇرلى كىسىلەردى كوردىك. سونىڭ ىشىندە نامازحان əسىرەسە قابا ساقالدى ەرلەرگە توقتالعىم كەلەدى. وندىرىستىك ورىندا ەڭ باستى قۇندى فاكتور - ول جۇمىستان گورى ادامنىڭ ءومىرى. جۇمىس ۋاقتىندا ءولىپ قالماي، سىنىپ قالماي، قيراپ قالماي، ۇيىڭە امان-ەسەن جەتۋ كومپانيا باسشىلاردىڭ باستى ارمانى. سول ارماندى باستى ماقساتقا اينالىپ، ۋلى، گازدى نىسانادا جۇمىس جاساعان كەزدە الدىن الا قورعانۋ ءۇشىن تەحنيكالىق قاۋىپسىزدىك ەرەجەسىمەن تانىستىرىپ وقىتادى. ەمتيحاندى تاپسىرىپ، تەستتەن وتكەن سوڭ قولىڭا سەرتيفيكات بەرەدى. سەرتيفيكاتى جوق قىزمەتكەرلەر سول ايماققا كىرۋ ءۇشىن دوللارلاپ پۇل ۇسىنسا دا ساعان "جوق" دەپ قاتاڭ ەسكەرتىپ، قۋىپ جىبەرە الادى. ويتكەنى ونداي جەردە سانانى اقشا بيلەي المايدى.

ۋوت سول كەزدە جۇمىستا ساقالدىلار قاپتاپ جۇرگەندە كەيبىرىنىڭ جەلكەسىنە قارماق سالىپ، "مəə گازدى ايماققا باراسىڭ، وقيسىڭ، ساقالدى قىراسىڭ، ماسكانى كيۋ ءۇشىن گيگيەنا ساقتاۋ كەرەك" دەپ تالاپتى ءتۇسىندىرىپ جاتساڭ قابا ساقالدىلار "əستاعفيرۋللاسىن" ايتىپ، ەلدەن ەرەكشە شوشىنىپ، ىشقىنىپ كەتەدى. "جوق وقىمايمىن، بارمايمىن" دەپ بەزەك قاعادى.

- Əۋ، قاراعىم، بۇندا ەشكىم ەرىگىپ جۇرگەن جوق. ءبəرىمىز دە وتباسىنى اسىراۋعا كەلگەن، وقىعان-توقىعان ازاماتتارمىز. مويىندا جاۋاپكەرشىلىك. ەلدە كۇتىپ وتىرعان قاتىن بالا-شاعا بار. ساقال قىمبات پا، ءومىر قىمبات پا؟ - دەپ ءتۇسىنۋ ءۇشىن توتەسىنەن سۇراق قويادى.

سول كەزدە قابا ساقالدىلاردىڭ ناداندىق باسقانىن، نەنىڭ قۇندى، نەنىڭ قۇنسىز، نەنىڭ دۇرىس، نەنىڭ بۇرىس ەكەنىن ايىرا المايتىنىن، ءومىردىڭ ءبəرىن تەك دىندىك ولشەم بىرلىكپەن مەرلەپ پىشكەن سانادا قالىپ قويعانىن، وسىنداي توبىرلار قاپتاپ كەلە جاتقانىن ءتۇسىندىم.

گازدى ايماققا ماسكاسىز ءجۇرۋ - ول ءوز ءومىرىڭدى ءوز قولىڭمەن كەسكەن سۋيتسيدپەن تەڭ. ال دىندەگى ەڭ اۋىر كۇنə - ول ءوزىن-ءوزى ءولتىرۋ. ەندەشە كۇنə تارازىسىنا سالساق، əرينە ساقالدى قىرۋدان گورى گازدى، ۋلى نىسانادا ۆدا-سىز جۇمىس جاساۋ ەڭ اۋىر كۇنə ەكەنىن ايىرا المايتىن ساناعا قالاي جەتتى، ۋا يمامدار، تەولوگتار، ءدىندارلار، سوپىلار، قۇرانيتتەر، نۇرشىلار، بەكبولات تىلەۋحانشىلار، سمانوۆتار تۇقىمىن سۇيۋشىلەر، جاماعاتشىلار، دەپۋتاتتار، اسىل-ارناشىلار جəنە ت.ب؟

دəل وسىنداي ساناداعى ادام ءبىزدىڭ ەلدە كوبەيسە، كوپ بولسا، قالايشا بۇلار مەملەكەتتى ۇستاي الادى؟ قالايشا بۇلارعا قىزدارىمىزدىڭ عۇمىرىن قيىپ، ومىرلىك جولداس قىپ بەرە الامىز؟ ءومىردىڭ ءمəنى - قابا ساقال ما؟

انار ساتاي

Facebook-تەگى پاراقشاسىنان