ورىستىڭ ولمەلى كەمپىرىنىڭ قازاقستاندا ءجۇرىپ، دۇكەندە ساۋدا جاساۋشىلارعا رەسەيدىڭ تاۋارلارىن ماقتاپ، جارناما جاساپ تۇرعانىن كوردىم. ءومىر بويى قازاقستاندا تۋىپ-وسسە دە، ءوز انا تىلىندە، ءوز ۇلتىنىڭ سويىلىن سوعىپ تۇرعان، ءوزى بۇگىن-ەرتەڭ ولگەلى تۇرسا دا سايتان العىر رەسەيىنە دەگەن ماحابباتى ءبىر مىسقىل كەمىمەگەن كەمپىردى كورىپ قاتتى ريزا بولدىم. نە دەگەن تەكتىلىك ەدى!

سەندەر ورىس جامان دەپ وزدەرىڭشە كۇڭكىلدەيسىڭدەر. وتتاپسىڭدار! كۇنكىلدەمەي ورىستان ۇيرەنىڭدەر! "ورىستان ۇيرەن دەپ ايتتى", - دەپ ابايدى دا سىباپ الاتىندارىڭ بار. اباي - ۇلى ادام. اباي دۇرىس ايتقان. ورىستاي ۇلتشىل بولىپ الىڭدارشى. اينالايىن ورىستار نە جەپ مىقتى بولعانسىڭدار؟! شوشقانىڭ ەتىن جەپ پە؟ ءبىزدىڭ قازاقتار بايىسا توي جاسايدى. جاساسىن، قىزعانبايمىن. بىراق، بىرەۋىندە ورىستىڭ ولمەلى كەمپىرى قۇرلى تەكتىلىك، نامىس جوق! شەتەلدەن ءانشى شاقىرىپ، رەسەيدەن تورت جاساتىپ ملرد.-تاپ شاشىلادى.

وتكەندە 25-تەردەگى اقش تۇراتىن قازاق جىگىتى وسى فب-تا: ء"دىني-راديكالمەن كۇرەسىپ جاتىرمىز، ەندى كەلەسى كەزەك ۇلتشىل-پاتريوتتارمەن كۇرەس بولۋ كەرەك" دەپ ۇرانداتىپ جازىپ وتىر. مىنە قازاقتىڭ سىيقى. سىرتقا شىقسا ۇلتىن ۇمىتىپ، ءوز ۇلتىنا جاۋ بولىپ ورالادى. ونى بالكىم مەملەكەت قازىنادىعى قارجىمەن ەلدىڭ اۋزىنان جىرىپ، "بولاشاقپەن" وقىتىپ جاتقان بولار. ال ولاردىڭ اڭگىمەسىنىڭ سىيقى وسىنداي. ال ورىستار قازاقستاندا قانشاما جىل تۇرسا دا ءوز ەلىنە قاتىستى ونداي مالىمدەمە جازعان ەمەس. مىنا تىرلىگىمىز بولمايدى. رۋحاني جاڭعىرۋ - ۇلتتىق نامىسىمىزدى وياتۋ دەپ ۇعار كەز كەلدى.

ايبار ابايۇلى

Facebook-تەگى پاراقشاسىنان