ونىڭ ايتۋىنشا، تەرگەۋدىڭ الدىن الا مالىمەتتەرىنە قاراعاندا، اپاتقا ۇشقىشتىڭ قاتەلىگى سەبەپ بولعان. بىراق ول بۇنىڭ تۇپكىلىكتى قورىتىندى ەمەستىگىن، حالىقارالىق كوميسسيا جۇمىسى ءالى ءجۇرىپ جاتقانىن ەسكەرتتى.

ەسكە سالايىق، ءبىر جىل بۇرىن تۇرىكتىڭ ACT Airlines (MyCargo) اۋە كومپانياسىنا تيەسىلى جۇك ۇشاعى گونكونگتان ستامبۋلعا ۇشىپ شىعىپ، "ماناس" اۋەجايىنا جاقىن ماڭداعى داچي-سۋ اۋىلىنا قۇلادى.

اۋە اپاتىنان 39 تۇرعىن، ەكپاجدىڭ ءتورت مۇشەسى قازا تاپتى. تاعى ءبىر قىرعىزستاندىق زارداپ شەككەندەرگە كومەك كورسەتۋ كەزىندە قايتىس بولعان.

رەسمي مالىمەت بويىنشا، اۋىلدا 19 ءۇي قيراپ، 7 ءۇي زاقىمدانعان، تاعى 12 ءۇي بۇلىنگەن.

Abai.kz