تۇركىمەنستاندا مەملەكەتتىك قىزمەتكەرلەر جاپپاي ۆەلوسيپەدكە وتىرىپ جاتىر
تۇركىمەنستاننىڭ مەملەكەتتىك مەكەمەلەرى بيىل ۆەلوسيپەد جارىسىنا كەمىندە 3-6 ادام جىبەرەدى. جارىسقا دايىندالۋ ءۇشىن مەملەكەتتىك قىزمەتكەرلەردىڭ ءبارى ۆەلوسيپەد ساتىپ الۋى ءتيىس. وسىلاي دەپ ازاتتىقتىڭ تۇركىمەن قىزمەتىنىڭ ءتىلشىسى حابارلايدى.
«كاسىپورىن قىزمەتكەرلەرى جارىسقا قاتىساتىن ارىپتەستەرىنە ۆەلوسيپەد ساتىپ الۋ ءۇشىن ورتادان اقشا شىعارىپ جاتىر. تۇركىمەنستاننىڭ وزىندە ەكى دوڭعالاقتى اربا شىعاراتىن زاۋىت جوق، بىرەۋىنىڭ قۇنى 3000-4000 مانات (850 دوللار) تۇرادى»، – دەپ حابارلايدى ازاتتىق ءتىلشىسى.
جۇمىستان شىعىپ قالامىز دەپ قورقاتىن مەملەكەتتىك قىزمەتكەرلەر سوزگە كەلمەستەن، اقشا جيناپ جاتىر ەكەن.
ءساۋىر ايىندا وتەتىن ۆەلوجارىسقا مەملەكەت باسشىسىنىڭ ءوزى قاتىسپاق. مۇنداي شارا العاشقى رەت 2015 جىلى ۇيىمداستىرىلعان. سودان بەرى جىل سايىن ءوتىپ كەلەدى.
Abai.kz
