بانك وكىلى 28 اقپاندا دۋشانبەدە ءباسپاسوز ءماسليحاتىن وتكىزدى. ونىڭ ايتۋىنشا، نەسيە تاجىكستانعا وتە ۇلكەن پايىزدىق ۇستەمەمەن (7,1%) بەرىلگەن. "سول سەبەپتى جىل سايىن 35 ميلليون دوللار تەك قانا پايىزدىق ۇستەمەسىنە تولەنەدى", - دەدى ادب-نىڭ تاجىكستانداعى وكىلى.

وتكەن جىلى قىركۇيەكتە تاجىكستاننىڭ ۇلتتىق بانكى مەملەكەتتىك قۇندى قاعازداردى (ەۆروبوندتار) حالىقارالىق قارجى نارىعىنا شىعارۋىنىڭ ءساتتى باستالعانىن حابارلاعان. قاعازدار روگۋن گەس-ءى قۇرىلىسىنا قاراجات تارتۋ ءۇشىن 500 ملن دوللارعا ساۋدا شىعارىلعان.

تاجىكستان مەملەكەتتىك وبليگاتسيالاردىڭ روۋد-شوۋى 28 تامىز بەن 8 قىركۇيەك ارالىعىندا ءتورت قالادا – لوندوندا، تسيۋريحتە، نيۋ-يوركتە جانە بوستوندا ءوتتى. رەسمي مالىمەت بويىنشا، وبليگاتسيالاردىڭ 38 پايىزىن اقش ينۆەستورلارى، 24 پايىزىن - ۇلىبريتانيا، 35 پايىزىن - ەۋروپالىق وداق ەلدەرى، 3 پايىزىن ازيا ينۆەستورلارى العان. وبليگاتسيالار بويىنشا كۋپونداردىڭ جىلدىق تابىسى 7,125 پايىز.

تاجىكستان ۇلتتىق بانكىنىڭ باسشىسى جامشەد نۋرمۋحاممادزودا تاجىكستان مەملەكەتتىك وبليگاتسيالارىن حالىقارالىق قارجى نارىعىنا شىعارۋىن جالعاستىرادى دەپ مالىمدەدى. ء"ساتتى كەلىسسوزدەر ناتيجەسىندە مەملەكەتتىك وبليگاتسيالاردى 4,5 ملرد دوللارعا دەيىن كوبەيدى", - دەدى ول.

پراديپ سريۆاستاۆا تاجىك ۇكىمەتى جاقىن ۋاقىتتا حالىقارالىق قارجى ينستيتۋتتارىنان نەسيە الا المايدى دەپ مالىمدەدى. ونىڭ ايتۋىنشا، بانكتىڭ ديرەكتورلار كەڭەسى تاجىكستانعا قايتارىمسىز قاراجات ءبولۋ تاجىريبەسىنە قايتا ورالادى، بيىل بانك ەلگە شامامەن 150 ملن دوللار بولەدى.

Abai.kz