دۇيسەنبى, 21 قىركۇيەك 2020
COVID-19 قازاقستاندا. جۇقتىرعاندار — 107307. جازىلعاندار — 101941. قايتىس بولعاندار — 1671
1842 0 پىكىر 1 ناۋرىز, 2018 ساعات 08:37

ميرزياەۆ "ۇرى" دەپ اتاعان بۇرىنعى پروكۋرور ۇستالدى

24 اقپانعا قاراعان ءتۇنى پروكۋراتۋرانىڭ ارنايى توبى تاشكەنت وبلىسىنىڭ بۇرىنعى پروكۋرورى، ادىلەت مينيسترلىگىنىڭ اعا كەڭەسشىسى جامشيد فايزيەۆتى تاشكەنتتەگى ۇيىندە ۇستادى. شەنەۋنىكتىڭ قولىنا كىسەن سالىپ، باسىنا قاپ كيگىزىپ اكەتكەن.

وزبەكستان باس پروكۋراتۋراسىنداعى دەرەككوزدىڭ 26 اقپاندا حابارلاۋىنشا، فايزيەۆكە قىلمىستىق ءىس قوزعالعان. وعان قاماۋداعى بۇرىنعى باس پروكۋرور راشيد كادىروۆتىڭ كۋالىگى سەبەپ بولعان. قولدا بار مالىمەتتەرگە قاراعاندا، فايزيەۆ "قىزمەتىن اسىرا پايدالانعان", "پارا العان" دەگەن كۇدىككە ءىلىندى.

2017 جىلى 2 تامىزدا وزبەكستان پرەزيدەنتى شاۆكات ميرزياەۆ ۆيدەوسەلەكتورلىق جينالىستا فايزيەۆ ونى ء"بىرىنشى ۇرى" دەپ اتادى. سودان كەيىن ول تاشكەنت وبلىسى پروكۋرورى قىزمەتىنەن بوساتىلدى.

دەرەككوز مالىمەتتەرىنە قاراعاندا، قىزمەتتەن ءتۇسىپ قالعان شەنەۋنىكتى قۇزىرلى ورگاندار باقىلاۋعا العان.

جامشيد فايزيەۆ 2013 جىلى سول كەزدەگى پرەزيدەنت يسلام كاريموۆتىڭ مەملەكەتتىك كەڭەسشىسى بولىپ تاعايىندالعان. بۇل قىزمەتتە ول بار بولعانى توعىز اي وتىرعان. ودان سوڭ ونى پروكۋروردىڭ ورىنباسارى قىزمەتىنە تاعايىنداعان. ميرزياەۆ بيلىككە كەلگەن ۋاقىتتا فايزيەۆ تاشكەنت وبلىسى پروكۋرورى قىزمەتىنە كىرىستى.

Abai.kz

0 پىكىر