جەكسەنبى, 5 ءساۋىر 2020
COVID-19 قازاقستاندا. جۇقتىرعاندار — 531. جازىلعاندار — 36. قايتىس بولعاندار — 5
1908 6 پىكىر 1 ناۋرىز, 2018 ساعات 08:43

قازاقستان بيلىگى جۇزدەگەن وتباسىعا الكوگول قولدانۋعا تىيىم سالدى

قازاقستان ءىىم وكىلى الەكسەي ميليۋكتىڭ حابارلاۋىنشا، بيلىك سوت ارقىلى بىرنەشە ءجۇز قولايسىز وتباسىعا الكوگولدىك ىشىمدىكتەر پايدالانۋعا تىيىم سالدى.

تىيىمدى بۇزعان ادام 15 تاۋلىككە قامالۋى دا مۇمكىن.

قازاقستاندا ادامدارعا مۇنداي شەكتەۋ قويۋ 2017 جىلدىڭ اياعىندا قولدانىلا باستادى. سول كەزدە اكىمشىلىك قۇقىقبۇزۋشىلىق تۋرالى كودەكسكە وزگەرىستەر ەنگىزىلگەن ەدى. زاڭ بويىنشا، ىشىمدىك ىشكەن ادام قۇقىق بۇزعان بولسا، سوت بۇل ادامعا سپيرتتىك ىشىمدىك پايدالانۋعا تىيىم سالا الادى. سوتتىڭ مۇنداي تىيىمىنىڭ مەرزىمى ءبىر جىلعا دەيىن سوزىلۋى مۇمكىن.

ميليۋك مالىمەتىنە قاراعاندا، قازاقستان ءىىم ورگاندارىندا 10 مىڭعا تارتا "قولايسىز وتباسى" تىركەلگەن. ولاردىڭ بارلىعى جاڭا زاڭنىڭ قۇربانى بولۋى مۇمكىن. 2017 جىلى مۇنداي تىيىم 350 مارتە سالىنسا، 2018 جىل باسىنان بەرى 855 رەت قولدانىلعان.

دەنساۋلىق ساقتاۋ مينيسترلىگىنىڭ مالىمەتى بويىنشا، 2017 جىلى ەلدىڭ ءاربىر تۇرعىنى ورتاشا ەسەپپەن 11-12 ليتر الكوگول پايدالانعان.

Abai.kz

6 پىكىر