ءپۋتيننىڭ يادرولىق قارۋ تۋرالى مالىمدەمەسىنە پەنتاگوننىڭ جاۋابى: ء"بىز تولىقتاي دايىنبىز"
پەنتاگونداعىلار رەسەي پرەزيدەنتى ۆلاديمير ءپۋتيننىڭ يادرولىق قارۋدى دامىتۋ تۋرالى مالىمدەمەسىنە "اسا تاڭىرقاماعان". "امەريكالىقتار الاڭداماسا بولادى. ءبىز تولىقتاي دايىنبىز", – دەپ مالىمدەدى 1 ناۋرىزدا پەنتاگون وكىلى دانا ۆايت.
اقش-تىڭ ەۋروپاداعى زىمىراننان قورعانىس جۇيەسى رەسەيگە باعىتتالماعان، ول يران مەن سولتۇستىك كورەيا جاقتان كەلەتىن قاۋىپتەن قورعانۋعا ارنالعان، دەيدى ۆايت.
بەيسەنبى كۇنى رەسەي پرەزيدەنتى ۆلاديمير پۋتين فەدەرالدىق ءماجىلىس الدىندا ءسوز سويلەدى. كونستيتۋتسيا بويىنشا پرەزيدەنت جىل سايىن جولداۋ جاساۋى كەرەك. بۇل جولى جولداۋ كۇنى بىرنەشە مارتە اۋىستىرىلىپ، سايلاۋ جاقىنداعاندا عانا جاسالىپ وتىر.
پۋتين بايانداماسىنىڭ جارىمى جاڭا قارۋلانۋ جۇيەسىن تانىستىرۋعا ارنالدى. ولاردىڭ بارلىعى دەرلىك يادرولىق زارياد تاسىمالداۋعا جارامدى.
ءپۋتيننىڭ سوزىنە قاراعاندا، اقش-تىڭ زىمىراننان قورعانىس جۇيەسى رەسەيدى جاڭا قارۋلار شىعارۋعا ماجبۇرلەگەن.
رەسەي پرەزيدەنتى تانىستىرعان قارۋلاردىڭ بىرقاتارى ءبىرىنشى مارتە كورسەتىلىپ وتىر. ولاردىڭ تەحنيكالىق سيپاتتاماسى مەن قانشالىقتى دايىن ەكەندىگىن بەيتاراپ تۇردە دالەلدەۋ مۇمكىن ەمەس.
Abai.kz
