ۇقك باسشىسى ورىنباسارىنىڭ سوزىنشە، باعدارلامادا راديكالدىق جانە ەكسترەميستىك كوزقاراستاردى ۇستاناتىندارعا جانە تەرروريزمگە قارسى ءىس-قيمىلدا ءتورت مىندەت ىسكە ورىندالۋ كوزدەلگەن.

بىلىسبەكوۆتىڭ ايتۋىنا قاراعاندا، راديكالدىق كوزقاراستى ۇستاناتىندار سانىن ازايتۋ ءدىني ەكسترەميزم مەن تەرروريزمنىڭ الدىن الۋ شارالارىن جەتىلدىرۋ، "قازاقستان قوعامىنىڭ راديكالدانۋىنا سىرتقى فاكتورلاردىڭ ىقپالىن تومەندەتۋ" ارقىلى ازايتۋ جوسپارلانىپ وتىر.

"ىستەلىنىپ جاتقان جۇمىستىڭ تيىمدىلىگى ناقتى كورسەتكىشتەرمەن ولشەنەدى. ول بويىنشا، راديكالدىق ىقپالعا ۇشىراعانداردى ازايتۋ كوزدەلگەن. راديكالدار قاتارىنا حالىقارالىق ۇيىمدارمەن بايلانىسى بار، ولارعا دەم بەرگەن ادامداردى جانە ەكسترەميزم مەن تەرروريزم ناسيحاتىنىڭ ىقپالىمەن ءوز بەتىنشە راديكالدانعان ءارى ءوز پروبلەماسىن كۇشپەن شەشۋ يدەياسىن ۇستاناتىنداردى قوسامىز", - دەدى بىلىسبەكوۆ.

ونىڭ مالىمەتىنشە، 270 ميلليارد تەڭگە ارنايى جانە قۇقىق قورعاۋ ورگاندارىن زاماناۋي تەحنيكامەن جانە باسقا دا جاڭا قۇرىلعىلارمەن جاساقتاۋعا، قارۋلاندىرۋعا، پروفيلاكتيكالىق ءىس-شارالاردى ۇيىمداستىرۋعا جانە قۇقىق قورعاۋ ورگاندارىنىڭ كاسىبي بىلىكتىلىگىن ارتتىرۋعا جۇمسالماق.

Abai.kz