ەندى اقش پەن اۋعان اراسىنداعى جۇك تاسىمالى قازاقستان ارقىلى وتەدى
پارلامەنت ءماجىلىسى 7 ناۋرىزدا اۋعانستاندا تۇراقتىلىق ورناتۋ جانە قالپىنا كەلتىرۋگە قاتىستى قازاقستان مەن اقش ۇكىمەتتەرى اراسىنداعى قازاقستان اۋماعى ارقىلى تەمىرجول ارقىلى كوممەرتسيالىق ترانزيتتىك جۇك تاسىمالداۋ تۋرالى كەلىسىمگە وزگەرىستەر ەنگىزۋ جونىندەگى حاتتامانى راتيفيكاتسيالادى.
حاتتامانى راتيفيكاتسيالاۋ تۋرالى زاڭ جوباسىن ماجىلىستە قازاقستان سىرتقى ىستەر ءمينيسترى قايرات ءابدىراحمانوۆ تانىستىردى.
ءابدىراحمانوۆ اۋعانستانعا تاسىمالداناتىن ترانزيتتىك جۇكتىڭ ءتاريفى قازاقستان ارقىلى باسقا باعىتتا تاسىمالداناتىن حالىقارالىق جۇك ءترانزيتى تاريفتەرىمەن بىردەي ەكەنىن ايتتى. كەلىسىم بويىنشا، ترانزيتتىك جۇك قازاقستاننىڭ اقتاۋ جانە قۇرىق تەڭىز پورتتارى ارقىلى تاسىمالدانادى.
ءابدىراحمانوۆ زاڭ جوباسىن تانىستىرۋ كەزىندە قازاقستان اۋعانستانعا وسى كەزگە دەيىن 50 ميلليون دوللاردىڭ كومەگىن كورسەتكەنىن، ونىڭ ىشىندە مەكتەپ، كوپىر، جول سالعانىن جانە قازاقستاندا اۋعانستاندىق ءبىر مىڭ ستۋدەنت وقىعانىن ايتتى.
Abai.kz
