جۇما, 29 ناۋرىز 2024
46 - ءسوز 3358 2 پىكىر 13 ناۋرىز, 2018 ساعات 08:51

تولىق تاۋەلسىزدىككە قالاي جەتۋگە بولادى؟

"بۇعان دەيىن دە بولعان. بولىپ تۇر. بۇدان كەيىن دە بولا بەرەدى.
نەمەسە، الەمنىڭ بارلىق ەلدەرىندە ءورشىپ تۇر عوي"... ستەرەوتيپى جايلى.
ەگەر، تاپ بۇگىن كورشىمىزدەن تولىقتاي تاۋەلدىلىگىمىزدى الىپ، ءوز قولىمىز ءوز اۋزىمىزعا تولىق جەتىپ قانا قويعاندا، قوعامنىڭ قايبىر سالالارىن ەمىن- ەركىن باسقارىپ كەتە الار ەدىك؟

100 جىل بىزدەردى الەمدىك تەكە-تىرەستە قالقالاپ، قورعاپ تۇراتىنداي نەمەسە الدىعا وزدىراتىنداي بەلگىلى ءبىر سالا بار ما ەكەن وسى؟ مىسالى، ەت ءوندىرىسى. نەگە بولماسقا؟ بيداي ءونىمدەرىن وڭدەۋ سالالارى شە؟ نەمەسە، قۇس ونىمدەرى ونەركاسىبى. وسى ءبىر ۇشتىكتى الساق تا جارايدى ەمەس پە؟. ناقتى وندىرىستىك سالا. عىلىمي كوزدەردى جۇمىلدىرۋدى اسا قاجەت ەتپەيدى. كەمشىن تۇستارى: ادام كۇشتەرىنە اسا ءزارۋ ەمەس. ياعني، جاڭادان جۇمىس قولدارىنا سۇرانىس تۋدىرىپ وتىرا المايدى.

بىزدەرگە، بارلىق ايماقتاردى قامتىپ قانا قويماي، نەعۇرلىم ادامداردىڭ كوپ مولشەرىن جۇمىلدىرىپ الا قوياتىنداي وندىرىستەر قاجەت-اق. ناقتى ءبىر سالا. قانشالىقتى يكەمدى ءارى زامان تالاپتارىنا دا ءتيىمدى. قازىرگى قۇرىلىس سالاسى ىسپەتتى. بۇگىنگىدەي بەلگىلى ءبىر ولكەلەردەگى ۇلكەن-ۇلكەن ءوندىرىس وشاقتارى سياقتى ەمەس. مىسالى، قىزىلورداداعى اينەك شىعاراتىن زاۋىت نەمەسە اتىنان ۇركىپ كەتەتىن اقتوبەلىك رەلسو-بالوچنىي زاۋىتى سىندى. وندا بار-اياعى 200-300 عانا ادام ىستەۋى مۇمكىن. جانە ونىڭ نەگىزگى شيكىزاتى رەسەيگە تاۋەلدى تاعى دا. بۇل وندىرىستىك وشاقتاردىڭ ونىمدەرى - جالپى حالىقتىق تۇتىنىمعا يە ەمەس. بۇل ءوندىرىستىك وشاقتار - ەسەپكە عانا. يگەرىپ جاتىرمىز دەگەنگە سايادى. ياعني، ورتالىق اپپاراتتاردىڭ ويلاپ تاۋىپ جاتقاندارى. جەرگىلىكتى حالىقتاردىڭ ەرىكتى جۇمىلدىرىلۋى از.
جەمقورلىقتى جەڭۋدىڭ بىردەن-ءبىر جولى - جەكە كاسىپكەرلىكتى بارىنشا دامىتۋ. ياعني، ۇكىمەت ءوزى ويلاپ، كومەكتەسەدى دەگەن ستەرەوتيپتەردىڭ شىنجىرىنان، قۇلدىعىنان بوسانۋ كەرەك.

جەمقورلىق - جەگى قۇرت دەيتىن بولساق، ول وزىنە تۋىپ، جەتىلىپ وتىراتىن ورتا ىزدەيدى. جاپپاي ءوندىرىس وشاقتارىنا قاشان جول بەرەمىز، سوندا عانا ول ءوزىنىڭ "قان سورعىش" قاسيەتتەرىنەن بىرتە-بىرتە ايرىلا باستايدى. حالىقتىڭ دەنى ءوز كاسىپتەرىنە عانا اۋاتىن بولادى..

ءبىز تولىقتاي تاۋەلسىزدىگىمىزگە سوندا عانا قول جەتكىزە الامىز. مۇنسىز، نەبىر پروگراممالار دا بايانسىز جانە ارزان. ءبىر قادام ارتقا، ەكى ادىم العا ساياساتىن، ياعني حالىققا ءبىر كوڭىل ءبولىپ، الدىمىزدى بارلاپ، ءوز شامامىزدى تولىقتاي يگەرىپ قانا ەل بولامىز دەگەن ءسوز!

ءابدىرايىم مالىكۇلى

Facebook-تەگى پاراقشاسىنان

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616