تاجىكستان وتاندىق جانە شەتەل فيلمدەرىندەگى ەروتيكالىق كورىنىستىردى كەسىپ تاستايدى
"تاجىكفيلم" كينوستۋدياسى وتاندىق جانە شەتەل فيلمدەرىندەگى بارلىق ەروتيكالىق جانە ينتيم كورىنىستەرىن ەل اۋماعىندا كورسەتپەي تۇرىپ كەسىپ تاستاۋدى ۇسىندى.
كينوستۋدياداعى دەرەككوزدىڭ حابارلاۋىنشا، "تاجىكفيلمنىڭ" جاڭا جارعىسىندا ارنايى پۋنكت بار. قۇجاتقا سايكەس، ەندى "تاجىكفيلم" فيلم شىعارىپ قانا قويماي، باسقا دا فيلمدەردەگى اشىق كورىنىستەردى الىپ تاستاپ وتىرادى.
كينونىڭ تالاپقا ساي ەكەنىن باعالايتىن ارنايى القا قۇرىلادى. وعان ءتۇرلى كاسىپ وكىلدەرى كىرەدى. بارلىق فيلمدەر مورال تالاپتارىنا ساي ەكەنى تەكسەرىلەدى.
جاقىندا وتاندىق جانە شەتەل فيلمدەرى تاجىكستان اۋماعىندا وسى القا مۇشەلەرىنىڭ ماقۇلداۋىنان سوڭ عانا كورسەتىلەدى.
كەڭەس بەرۋ القاسى اۆتورلىق قۇقىقتىڭ ساقتالۋىن دا قاداعالاپ وتىرادى.
Abai.kz
