جۇما, 29 ناۋرىز 2024
2859 2 پىكىر 14 ناۋرىز, 2018 ساعات 09:44

توقاەۆ يندونەزيا پرەزيدەنتىنە ءدىن كوشباسشىلارى سەزىنە شاقىرۋدى تابىس ەتتى 

ق. توقاەۆ يندونەزيا پرەزيدەنتىنە ءدىن كوشباسشىلارى سەزىنە شاقىرۋدى تابىس ەتتى، - دەپ حابارلايدى اباي-اقپارات. يندونەزيادا ساپاردا جۇرگەن قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ بىرقاتار ەكىجاقتى كەزدەسۋلەر وتكىزدى.

ق. توقاەۆتىڭ ەل پرەزيدەنتى دجوكو ۆيدودومەن كەزدەسۋى ساپاردىڭ باستى وقيعاسى بولدى. مەملەكەت باسشىسى ن. نازارباەۆتىڭ تاپسىرماسى بويىنشا سەنات توراعاسى يندونەزيا باسشىسىنا بيىلعى قازان ايىندا قازاقستانعا رەسمي ساپارمەن كەلۋگە شاقىرۋىن جەتكىزىپ، الەم جانە ءداستۇرلى دىندەر ليدەرلەرىنىڭ VI سەزىنە قاتىسۋعا شاقىرۋدى تابىس ەتتى.

ق.توقاەۆ استاناداعى دىنارالىق فورۋم ءدىن كوشباسشىلارىمەن قاتار الەمدىك دەڭگەيدەگى ساياساتكەرلەر دە ءبىر ۇستەل باسىندا باس قوساتىن ۇنقاتىسۋ الاڭى رەتىندە مويىندالعانىن اتاپ ءوتتى. سەزد جۇمىسىنا بۇۇ باس حاتشىسى، كوپتەگەن مەملەكەتتەردىڭ باسشىلارى، حالىقارالىق ۇيىمداردىڭ جەتەكشىلەرى قاتىستى. سەنات توراعاسى جەر جۇزىندەگى ءىرى مۇسىلمان مەملەكەتى باسشىسىنىڭ استانا فورۋمىنا قاتىسۋى، يسلام الەمىندەگى يندونەزيانىڭ ماڭىزدى ءرولىن ەسكەرە كەلگەندە، «ءدىني قايراتكەرلەر قاۋىپسىز الەم جولىندا» تاقىرىبىنا ارنالعان الداعى ءسامميتتىڭ تابىستى وتەتىنىنە ىقپال ەتەتىنىن اتاپ ءوتتى.

ق.توقاەۆ ەكىجاقتى قاتىناستاردىڭ كەلەشەگى تۋرالى ايتا كەلىپ، قازاقستان وڭتۇستىك-شىعىس ازياداعى جەتەكشى ەلدەردىڭ ءبىرى – يندونەزيامەن جان-جاقتى ءارى ءوزارا ءتيىمدى ىنتىماقتاستىقتى دامىتۋعا ەرەكشە ماڭىز بەرەتىنىنە نازار اۋداردى. كەيىنگى جىلداردا ەكىجاقتى قاتىناستاردىڭ بارلىق باعىتتارى بويىنشا، اتاپ ايتقاندا، ساۋدا-ەكونوميكالىق، ايماقارالىق ىنتىماقتاستىق، مادەني-گۋمانيتارلىق جانە پارلامەنتارالىق ءوزارا ءىس-قيمىل سالالارىندا وڭ وزگەرىستەر كورىنىس تاۋىپ وتىر.

ق. توقاەۆ ىسكە قوسىلاتىن جاڭا كولىك-لوگيستيكا باعدارلارىنىڭ كەلەشەگىنە، ءبىرىنشى كەزەكتە قازاقستاننىڭ «نۇرلى جول» باعدارلاماسى مەن قحر-دىڭ «جىبەك جولىنىڭ ەكونوميكالىق بەلدەۋى» باستاماسىنىڭ ۇشتاسۋ جوسپارىنا بايلانىستى جاڭا مۇمكىندىكتەرگە توقتالدى. اتاپ ايتقاندا، «قازاقستان - ليانيۋنگان پورتى (قحر) – ازيا-تىنىق مۇحيتى ايماعىنداعى تەڭىز پورتتارى» كولىك ءدالىزىنىڭ مۇمكىندىكتەرى ساۋدا-ەكونوميكالىق ىنتىماقتاستىعىن تەرەڭدەتۋگە ىقپال ەتەتىن بولادى.

يسلامدىق قارجىلاندىرۋ سالاسىنداعى يندونەزيانىڭ مول تاجىريبەسىن ەسكەرە وتىرىپ، قازاقستان تاراپى استانا حالىقارالىق قارجى ورتالىعىنىڭ اياسىندا يندونەزيا قارجى ينستيتۋتتارىن جۇمىسقا تارتۋعا ىقىلاس ءبىلدىرىپ وتىر. مەملەكەت باسشىسى استانا حالىقارالىق قارجى ورتالىعى قىزمەتىنىڭ باسىم باعىتتارىنىڭ ءبىرى رەتىندە يسلام قارجىلاندىرۋىن اتاعان بولاتىن. دجوكو ۆيدودو ءوز كەزەگىندە قازاقستانعا شاقىرۋىنا وراي پرەزيدەنت ن. نازارباەۆقا العىس ايتتى ءارى ساياسي، ەكونوميكالىق جانە مادەني ەكىجاقتى بايلانىستاردى ۇلعايتۋ ماقساتىندا بارلىق شارالاردى قابىلداۋ جونىندەگى نيەتىن جەتكىزدى.

قازاقستان سەناتىنىڭ توراعاسى مەن يندونەزيا حالىق كەڭەسشىلەرى كونگرەسىنىڭ توراعاسى زۋلكيفلي حاسانمەن اڭگىمەسىنىڭ تاقىرىبى پارلامەنتارالىق بايلانىستاردى نىعايتۋدىڭ كەلەشەگى تۋرالى بولدى. ق.توقاەۆ قازاقستاننىڭ ساياسي جۇيەسىنىڭ ەرەكشەلىكتەرى تۋرالى حاباردار ەتىپ، پارلامەنت جوعارعى پالاتاسىنىڭ كونستيتۋتسيالىق وكىلەتتىكتەرى جايىندا اڭگىمەلەپ بەردى. يندونەزيا تاراپى قازاقستاننىڭ پرەزيدەنتتىك بەس الەۋمەتتىك باستاماسىن ىسكە اسىرۋداعى جوسپارى مەن ساياسي جانە رۋحاني جاڭعىرۋ باعدارلاماسىنا ەرەكشە ىقىلاس ءبىلدىردى.

ق. توقاەۆتىڭ يندونەزيا حالىق وكىلدەرى كەڭەسىنىڭ توراعاسى بامبانگ سۋساتيومەن كەزدەسۋىندە زاڭ شىعارۋ ورگاندارىنىڭ ۇنقاتىسۋ ماسەلەلەرى اڭگىمە وزەگىنە اينالدى. اڭگىمە بارىسىندا قازاقستان مەن يندونەزيانىڭ ءوزارا ىنتىماقتاستىعىن نىعايتۋداعى پارلامەنتارالىق قۇرامنىڭ ماڭىزدى ءرولى اتاپ ءوتىلدى. ق. توقاەۆ ەكى ەلدىڭ زاڭ شىعارۋ ورگاندارىندا قىزمەت ەتەتىن دەپۋتاتتىق دوستىق توپتارىنىڭ جۇمىسىن ورىستەتۋگە شاقىردى.

ق.توقاەۆتىڭ ساپار باعدارلاماسى بويىنشا يندونەزيا ۆيتسە-پرەزيدەنتى يۋسۋف كاللامەن كەزدەسۋى 14 ناۋرىزعا بەلگىلەندى. قازاقستان دەلەگاتسياسى مادەني باعدارلاما اياسىندا جاكارتاداعى ۇلتتىق تاۋەلسىزدىك مونۋمەنتىندە جانە «تامان ميني يندونەزيا» پاركىندە بولدى.

 

قازاقستان رەسپۋبليكاسى پارلامەنتى

سەناتىنىڭ ءباسپاسوز قىزمەتى

 

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3545