سەيسەنبى, 23 شىلدە 2024
ەل ءىشى... 5529 50 پىكىر 14 ناۋرىز, 2018 ساعات 13:24

اياگوزگە ۇكىمەتتىڭ ءبىر ءمينيسترى، پارلامەنتتىڭ ءبىر دەپۋتاتى بارعان جوق

كەشە 13-ناۋرىز كۇنى ساعات تاڭعى 04.00-دە سۋ تاسقىنىنان زارداپ شەككەن شىعىس قازاقستان وبلىسىنىڭ اياگوز اۋدانىنىڭ تۇرعىندارىنا قولداۋ كورسەتۋ ماقساتىندا استانادان شىعىپ، ءوز قارجىمىزعا كولىك جالداپ، 1500 شاقىرىمداي تەمىر تۇلپاردى تەرلەتىپ، ساعات 22.20 شاماسىندا زارداپ شەككەن حالىق ۋاقىتشا ورنالاستىرىلعان ينتەرناتقا كەلىپ جەتتىك.

زارداپ شەككەندەر ءالى ۇيىقتاماعان ەكەن، ءوزىمىزدى جەكە ازاماتتار رەتىندە تانىستىرىپ، ءجون سۇراستىرىپ جاتقان كەزدە جەرگىلىكتى بيلىك تاراپىنان كۇش قولدانىلىپ، تۇنىمەن پوليتسيا تاراپىنان ءوزىمىز جالداعان كولىكتى زاڭسىز تەكسەرۋ ءىس-ارەكەتتەرى جۇرگىزىلدى.ونىڭ ۇستىنە، وسىنىڭ بارلىعى بەينەتاسپاعا جازدىڭىزدار دەپ ۇستىمىزدەن ارىز جازىپ، ءىس قوزعالىپ جاتىر.

مىنە، قولداۋ كورسەتۋگە كەلگەن ازاماتتارعا وسىنداي قيانات جاساۋعا قاراعاندا، اياگوزدە بولعان اپاتتىڭ اق-قاراسىن جاسىرىپ وتىرعاننىڭ بەلگىسى دەپ ەسەپتەيمىن. سەبەبى، اقساقالداردىڭ ايتۋىنشا بۇنداي جاعداي بۇرىن-سوڭدى بولماعان. سۋ قويماسى، دامبى جارىلىپ كەتكەنگە ۇقسايدى.

ايماق اكىمى دانيال احمەتوۆتىڭ ءوزى ءبىزدىڭ كەلە جاتقانىمىزدى ەستىپ قانا، امال جوقتان اپاتتىڭ ورىن العان 3-كۇنى عانا، ياعني كەشە اياگوزگە كەلىپ كەتكەن. نە سەبەپتەن اپات بولعان ءبىرىنشى كۇنى زارداپ شەككەن حالىقپەن بىرگە بولعان جوق؟!

بۇگىنگى كۇنى اپاتتان زارداپ شەككەن اياگوزگە ۇكىمەتتەن ءبىر دە ءبىر مينيستر، 1 ميلليونعا جۋىق ايلىق الاتىن ءبىر دە ءبىر پارلامەنتتەگى دەپۋتات كەلگەن جوق. دانيال اxمەتوۆتىڭ ءوزى اپاتتىڭ 3-كۇنى كەلدى.

قاراعاندىنىڭ شاxتەرلەرىمەن دە ءدال وسىنداي جاعداي بولعان. تۋرا قايتالانۋدا. حالىقتى قيناۋ دەگەن وسى. "نۇر وتاننان" باستاپ مەملەكەتتىك جۇيە ابدەن ءىرىدى!

سىرىم ءابدىراحمانوۆ

Abai.kz

50 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1376
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2168
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2195