جۇما, 29 ناۋرىز 2024
«سوقىر» فەميدا 4368 0 پىكىر 14 ناۋرىز, 2018 ساعات 17:36

قۋاندىق بيشىمباەۆقا قاتىستى سوت ۇكىمى شىقتى

بۇرىنعى ۇلتتىق ەكونوميكا ءمينيسترى قۋاندىق بيشىمباەۆقا قاتىستى سوت ۇكىمى شىقتى، - دەپ حابارلايدى اباي-اقپارات Tengrinews.kz اگەنتتىگىنە سىلتەمە جاساپ.

سۋديا ادىلحان شايحيسلاموۆ ەكس-ءمينيستردى 10 جىلعا باس بوستاندىعىنان ايىرۋ تۋرالى ۇكىم شىعاردى.

قۋاندىق بيشىمباەۆ قر قىلمىستىق كودەكسىنىڭ 28-بابىنىڭ 3-بولىگى ("قىلمىستىق قۇقىق بۇزۋشىلىققا سىبايلاس قاتىسۋشىلاردىڭ تۇرلەرi"), 189-بابىنىڭ 4-بولىگى 2-تارماعى ("سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ") جانە 366-باپتىڭ 4-بولىگى ("پارا الۋ") بويىنشا ايىپتالعان بولعان.

"10 جىلعا باس بوستاندىعىنان جانە ءومىر بويىنا مەملەكەتتىك قىزمەتتەردە باسشىلىق لاۋازىمداردا جۇمىس ىستەۋ قۇقىعىنان ايىرىلسىن. جازاسىن ماكسيمالدى قاۋىپسىز مەكەمەدە وتەسىن، سونداي-اق، مۇلكى تاركىلەنسىن", - دەپ وقىدى ۇكىمدى سۋديا ادىلحان شايحيسلاموۆ.

مۇنىمەن قوسا، سۋديا قۋاندىق بيشىمباەۆتى مەملەكەتتىك سىيلىق - "قۇرمەت" وردەنىنەن ايىرۋ تۋرالى شەشىم شىعاردى.

سونىمەن قاتار، سوت قۋاندىق بيشىمباەۆتىڭ باۋىرى سۇلتان نۇرلىبەكتى دە پارا العانى ءۇشىن ايىپتى دەپ تانىپ، 7 جىلعا باس بوستاندىعىنان ايىردى جانە مۇلكىن تاركىلەۋ تۋرالى ۇكىم شىعاردى.

وسىعان دەيىن وتكەن سوت وتىرىستارىنىڭ بىرىندە ەكس-مينيستر 2 ميلليون دوللار پارا الدى دەگەن ايىپتاۋعا جاۋاپ بەرگەن بولاتىن. "پارا الۋ بويىنشا ايىپتاۋدىڭ ماعان قارسى ەكەنىن ايتقىم كەلەدى. بۇل ايىپتاۋ يسابەكتىڭ، ايتاليەۆتىڭ، بەكجانوۆتىڭ كۋالىگىنە نەگىزدەلگەن. تەرگەۋ كەزەڭى بويىندا مەنەن دە، جۇبايىمنان دا، ءتىپتى باسقا بىرەۋدەن دە بۇل پارا تابىلمادى. ايىپتاۋشى 2015 جىلدىڭ 22 ساۋىرىندە مەيرامحانادا توقتاروۆپەن، ايتاليەۆپەن جانە يسابەكوۆپەن كەزدەسۋىمدە پارا الۋعا كەلىسىم جاسالدى دەپ ەسەپتەيدى. بۇل شىندىققا جاناسپايدى", - دەگەن ەدى قۋاندىق بيشىمباەۆ.

كەيىنىرەك ناۋرىز ايىنىڭ باسىندا وتكەن وتىرىستا وسى ىستەگى فيگۋرانت باۋىرجان ايتىمبەتوۆ مالىمدەمە جاساعان بولاتىن. "ادام ءار ىستە سوڭىنا دەيىن شىندىقتى ايتۋى كەرەك. "مەن ءماجبۇر بولدىم" دەۋدىڭ ورنىنا شىندىقتى ايتۋ كەرەك. بۇل بارلىعىنا قاتىستى. الىنعان پارانىڭ بارلىعى قايتا قالپىنا كەلتىرىلدى. مەن العان پارانىڭ بارلىعى تولىقتاي تاركىلەندى. ءيا، مەن پارا الدىم، پارا بەردىم، مەن - جەمقورمىن. مىنە، وسى شىندىق", - دەپ مالىمدەگەن ەدى باۋىرجان ايتىمبەتوۆ.

سودان كەيىن سوت وتىرىسى بارىسىندا قۋاندىق بيشىمباەۆتىڭ اناسى دا مالىمدەمە جاساعان ەدى.

"سۋديا مىرزا، انا رەتىندە عانا ەمەس، قازاقستان ازاماتى رەتىندە دە ايتقىم كەلەتىنى، بارىنشا وبەكتيۆ بولۋدى سۇرايمىن. بۇلاي ءسىز جالعىز ۇلىمنىڭ عانا ەمەس، بۇكىل وتباسىنىڭ، ەڭ باستىسى كامەلەتكە تولماعان ءتورت بالانىڭ تاعدىرىن شەشەسىز. قۋاندىق بيشىمباەۆتىڭ اناسى رەتىندە ۇلىمنىڭ بۇل قىلمىستى جاساماعانىن مالىمدەيمىن. سوتتى مەنىڭ ۇلىمدى اقتاۋىن وتىنەمىن", - دەگەن ەدى الميرا نۇرلىبەكوۆا. 

مۇنىمەن قوسا، ەكس-ءمينيستردىڭ ايەلى دە سوتتا ءسوز سويلەگەن بولاتىن.

ەسكە سالا كەتەيىك، 2016 جىلدىڭ 30 جەلتوقسانىندا ۇلتتىق ەكونوميكا ەكس-ءمينيسترى قۋاندىق بيشىمباەۆقا قاتىستى تەرگەۋ شارالارى ءجۇرىپ جاتقانى بەلگىلى بولعان ەدى. قر ءسىم باسشىلىق قۇرامىمەن كەزدەسۋىندە نۇرسۇلتان نازارباەۆ قۋاندىق بيشىمباەۆتىڭ قىزمەتتەن بوساتىلعانىن مالىمدەگەن بولاتىن.

"بيشىمباەۆ توپ بولىپ، الدىن الا كەلىسىم جاساۋ ارقىلى اسا ءىرى كولەمدە بىرنەشە رەت پارا الىپ وتىرعان. زاڭسىز العان قاراجاتتى بيشىمباەۆ ءوز قاجەتىنە جاراتقان", - دەپ حابارلاعان ەدى انتيكوررۋپتسيا قىزمەتىنىڭ وكىلدەرى.

ايتا كەتەيىك، ەكس-مينيستر 37 جاستا. ول 2017 جىلدىڭ قاڭتارىنان بەرى قاماۋدا بولعان ەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3580