Abai.kz اقپاراتتىق پورتالى بەلگىلى تەاتر جانە كينورەجيسسەرى، كينودراماتۋرگ، قازاقستاننىڭ حالىق ءارتىسى تالعات تەمەنوۆتىڭ جازعان ماقالالارى مەن ەستەلىكتەرىن ۇزبەي جاريالاپ كەلەدى. بۇگىن ءبىز وقىرمان نازارىنا اۆتوردىڭ جەكە كۇندەلىگىنە جازىپ جۇرگەن ءتۇيىندى ويلارىن وقىرمان نازارىنا ۇسىنىپ وتىرمىز. 

Abai.kz اقپاراتتىق پورتالى

 

 

«مەن، مەن» دەپ سويلەيتىندەردىڭ ءبارى – ماحامبەت ەمەس.

***

ەڭ ۇلكەن ەرلىك تاڭعى ساعات بەستە ءوزىڭدى ءوزىڭ ستولعا وتىرعىزۋ.

***

بىزگە ينۆەستيتسيا تارتىلعانى جاقسى. ال ونىڭ قاراپايىم حالىققا جەتكەنى – ودان دا جاقسى.

***

ادام باقىتتى بولۋ ءۇشىن كوپ نارسەنىڭ كەرەگى جوق. بار بولعانى اكىمنىڭ بالاسى بولساڭ بولعانى.

***

كۇلىپ جۇرگەن ادامعا قۇداي دا كومەكتەسىپ تۇرادى.

***

ايەلىڭمەن اجىراسپاۋدىڭ جولى – ءجيى جۇزدەسپەۋ.

***

اقشاعا ساتىلمايتىن ەكى-اق نارسە بار. ول جاستىق ءھام اقىل.

***

ۇياتسىز وي اقىل ۇيىقتاعاندا كەلەدى.

***

جارلى ادام دا ارلى بولادى.

***

قىز تاماق جاساي الماسا – شەشەسى كىنالى.

***

روۆەسنيكي – ەتو نە زناچيت ەدينومىشلەننيكي.

***

ار – ادامنىڭ كۇزەتشى-وققاعارى.

***

جۇرتقا جوعارىدان قاراي بەرمە – مۇرنىڭنىڭ تەسىگى كورىنىپ قالادى.

***

ەڭ ۇلكەن ستيمۋل – قىزعانىش.

***

دارىگەرگە بارعاندا – دارمەنسىزسىڭ.

***

دۇنيەدە سوزبەن ايتىپ جەتكىزە المايتىن ءۇش سۇلۋلىق بار. ول – اسەم مۋزىكا، تابيعاتتىڭ تىلسىم كورىنىسى جانە سۇلۋ قىزدىڭ سۋعا شومىلۋى.

***

جالعىزدىق – اقىل مەن سەزىمدى ۇشتايدى.

***

سۇلۋ قىزدىڭ اقىلى – تۇسكە دەيىن بولادى.

***

8 ناۋرىز شىنىمەن دە مەرەكە. ەركەكتەر تويلايدى. ايەلدەر قىزمەت ەتەدى.

***

جەرىن جالعا بەرەم دەگەن – جەتەسىز.

***

اعىسقا قارسى ءجۇزۋ – كەتە بالىق پەن كەمەڭگەرگە عانا جاراسقان. ال باسقاسى – قىرتىمبايلىق.

***

باياعىدا گەروسترات اتىن شىعارۋ ءۇشىن ارتەميدانى ورتەسە، بۇگىندە اتىن شىعارۋ ءۇشىن اكەسىنىڭ ارىن ورتەيتىندەر كوبەيىپ كەتتى. ال، اكەنىڭ ارى – ارتەميدادان دا قىمبات.

***

ەركەك بوقتاسا – جاراسادى،

ايەل بوقتاسا – اداسادى.

***

سوزگە شورقاق – نە ساراڭ، نە جەتەسىز.

***

وتانىن ءسۇيۋ – كوشە سىپىرۋدان باستالادى.

***

ءۇيدىڭ ءتىلى ءبىر باسقا، سىرتتىڭ ءتىلى ءبىر باسقا.

***

امانداسۋ – ادامگەرشىلىكتىڭ العاشقى قادامى.

***

بىرەۋدىڭ جاساعان جاقسىلىعىن ايتپاۋ – ساتقىندىقتىڭ ءبىر ءتۇرى.

***

بىرەۋ ءاندى ميكروفونمەن ايتادى، بىرەۋ فونوگراممامەن ايتادى. ال، نەگىزى ءاندى جۇرەكپەن ايتۋ كەرەك.

***

اقىل ايتۋ – اقىماقتىقتىڭ باسى. ال اقىلدى تىڭداماۋ – اقىماقتىقتىڭ سوڭى.

***

كوك اسپان – شەكسىز،

كوپ ارمان – شەكسىز.

***

سۇلۋ ءمۇسىن دە – پوەزيا...

***

ساحناعا شىقپاعالى 15-20 جىل بولعان ارتيستەردى بىلەم. بىراق كەۋدە – دالاداي. وتە دۇرىس... سكۆوزنياك... نيكتو نيچەگو نە پومنيت...

***

ارسىز قىز اكەسىن ولتىرەدى.

***

عاشىقتاردىڭ كەۋدەسىندە – كۇيساندىق...

***

شەتەلدىڭ ءانشى-ءبيشىسى بىزگە ونەر بولمايدى.

***

كوڭىل – كوسموستان دا كۇردەلى دە قيىن پلانەتا.

***

ارسىز ويدان ۇياتسىز بالا تۋادى.

***

بىزگە شەتەلگە كەتكەن اقشادان گورى شەتەلدە جۇرگەن ادامدارىمىزدى قايتارۋ الدەقايدا ماڭىزدى.

***

قاتەلەسپەيتىن ادامدى بىلمەيمىن،

قاتەسىن تۇزەگەن ادامدى بىلەمىن.

***

ءبىر ادام قاتەلەسسە – كومەديا، ەكى ادام قاتەلەسسە – دراما، مىڭ ادام قاتەلەسسە – تراگەديا.

***

شىن سۋرەتشى – كوپ سويلەمەس.

***

بۇگىن ءبىزدىڭ ۇلكەن اقىن-جازۋشىدان مۇقاعالي مەن ءشامشى جايلى سۇراسا، ءبارى دە مۇقاعاليمەن دوس بولعان، شامشىمەن ءشاي ىشكەن بوپ شىعا كەلەدى. ءبارى دە ەكەۋىنە ارناپ ولەڭ جازادى. پەسا دا جازا سالادى. بۇل دا جارنامانىڭ ءبىر ءتۇرى. مەنىڭ بىلەتىنىم: كوزى تىرىسىندە مۇقاعالي وداققا كەلە جاتقاندا كوكەلەرىمىز ەسىگىن ىشتەن جاۋىپ الىپ نەمەسە قاشىپ-پىسىپ جۇرەتىندەردىڭ ءبىرشاماسى بۇگىندە باسقاشا سويلەيدى. ءبارى دە مۇقاعاليمەن دوس بولعان ەكەن. ءاي، سابازدار-اي...

***

باز بىرەۋلەر ءشامشىنىڭ اندەرىنەن جىلىنا ءتورت-بەس كونتسەرت وتكىزەدى. قالداياقوۆتان كوممەرتسيا جاساپ العان پىسىقايلار...

***

ەر ازامات بولعاندا ادام اناسىنىڭ، اكەسىنىڭ الدىندا «مەن سەندەرگە ادال بولامىن، ولە-ولگەنشە سەندەردى ايالاپ وتەم» دەپ انت ەتپەيدى. سەبەبى، ول سولاي بولۋى ءتيىس. ال، بىزدە اكىمدەر مەن مينيسترلەر پرەزيدەنتتىڭ الدىندا انت-سۋ ءىشىپ جاتادى. نەگە؟ كىم ءۇشىن؟ پرەزيدەنت تە سەنىڭ اكەڭدەي ەمەس پە؟ ۇلكەن بيلىككە ادام تەك ادال بولعاندا عانا بارۋ كەرەك قوي. ادال ادام «ادال بولام» دەپ انت سۋ ىشپەيدى. انت ەتسە، وتىرىك. ك.ستانيسلاۆسكي ايتپاقشى، «نە ۆەريۋ!».

***

پرەزيدەنتتىڭ الدىندا اكىمدەر مەن مينيسترلەردىڭ كىتاپشالارىنا بىردەڭەلەردى شيمايلاپ جازىپ جاتقانىن كورگەندە، كۇلكىم كەلەدى. مەنىڭشە، ەلباسىن الدىمەن زەيىن قويىپ تىڭداۋ كەرەك ەمەس پە؟ سوسىن جينالىستان شىققاندا سونىڭ ءبارى ءبىر ەمەس، بىرنەشە رەت ايتىلادى عوي. پرەزيدەنتتىڭ ءسوزى – پروفەسسوردىڭ لەكتسياسى ەمەس. ەل باسىنىڭ ءسوزى ەڭ الدىمەن – باعدارلاما، پروگرامما. مەنىڭشە، ەل باسىنىڭ نە ايتقانىن جازعاننان گورى، نەنى مەڭزەپ، نە ايتقىسى كەلەتىنىن ءتۇسىنۋ كەرەك سياقتى. جارايدى، اكىم-قاراعا اقىل ۇيرەتپەيمىن. وزدەرى ءبىلسىن...

***

اقىندى ولتىرەم دەسەڭ، ونى اكىم قوي.

***

ۇلتقا قىزمەت ەتۋ – ۇلتتىق قاۋىپسىزدىك كوميتەتىنە قىزمەت ەتۋ ەمەس.

***

حح عاسىردا مەن بىلەتىن ەكى اۋليە بار. ءبىرى – ستالين، ەكىنشىسى – د.قوناەۆ. ەكەۋى دە بوق دۇنيەنىڭ قۇلى بولماعان. اسىرەسە، ديمەكەڭ. ناعىز اۋليە!

***

بالاڭ وسسە – اياعىڭدى بايقاپ باساسىڭ.

***

كەلىن العاندا – كەلىنگە كەلىن بولۋ ءۇشىن الاسىڭ.

***

وكىنىشكە وراي، اناڭنىڭ قادىرىن ايىرىلعاندا عانا بىلەسىڭ.

***

رول الۋ – رۋلگە وتىرۋ ەمەس.

***

دارىنسىز اكتەر – قىزعانشاق بولادى.

***

سۇلۋدىڭ ۇيقىسى دا – ءسابيدىڭ ۇيقىسىنداي ءتاتتى.

***

ادام جەكسەنبى كۇنى جەتىسكەننەن ەرتە تۇرمايدى.

***

ادامنىڭ دوسى دا، قاسى دا – ءوزى.

***

اقىندىق جالعىزدىقتان باستالادى.

***

تايعا ءمىنىپ ۇيرەنگە بالا – ەسەككە وتىرماس.

 

تالعات تەمەنوۆ

Abai.kz