وزبەكستاندا ارنايى قىزمەتتىڭ تاعى ءبىر گەنەرالى ۇستالدى
وزبەكستان ۇلتتىق قاۋىپسىزدىك قىزمەتىنىڭ (14 ناۋرىزدان باستاپ مەملەكەتتىك قاۋىپسىزدىك قىزمەتى بولىپ وزگەردى) توراعا ورىنباسارى بولعان 53 جاستاعى گەنەرال شۋحرات تاشپۋلاتوۆقا قارسى قىلمىستىق ءىس قوزعالدى.
وزودليك دەرەككوزىنىڭ حابارلاۋىنشا، شۋحرات تاشپۋلاتوۆ اسكەري پروكۋراتۋرانىڭ سۇراۋى بويىنشا اقپان ايىندا ۇقق توراعاسىنىڭ ورىنباسارى بولعان شۋحرات گۋلياموۆ ءىسى اياسىندا ۇستالعان. وعان قانداي ايىپ تاعىلعانى ازىرگە بەلگىسىز.
شۋحرات تاشپۋلاتوۆ 2017 جىلدىڭ شىلدە ايىنان بەرى ۇقق توراعا ورىنباسارى ءارى تاشكەنت وبلىستىق باسقارما باسشىسى قىزمەتىن اتقارعان. ول قىزمەتىنەن بيىل قاڭتار ايىندا الىنعان.
قاڭتار ايىندا وزبەكستان پرەزيدەنتى شاۆكات ميرزياەۆ سۇرحانداريا وبلىسىنا بارعان ساپارى كەزىندە، ۇلتتىق قاۋىپسىزدىك قىزمەتىن قاتاڭ سىنعا الىپ، وتكەن عاسىرداعى 1937 جىلعى رەپرەسسياعا تەڭەگەن. وسىدان كەيىن ۇقق شەنەۋنىكتەرى جاپپاي جۇمىستان شىعارىلىپ، تۇتقىندالا باستادى.
Abai.kz
