بۇل قازاقستان سىرتقى ىستەر مينيسترلىگىنىڭ ء(سىم) رەسەي سىرتقى ىستەر ءمينيسترى سەرگەي لاۆروۆتىڭ "قازاقستاننىڭ اقش ازاماتتارىنا ەلگە ۆيزاسىز كەلۋىنە رۇقسات بەرۋى ماسەلەسىن تالقىلاۋ كەرەك" دەگەن مالىمدەمەسىنە بەرگەن جاۋابى.

رەسەيلىك باق-تىڭ حابارلاۋىنشا، سەرگەي لاۆروۆ بۇعان دەيىن "رەسەي - مۇمكىندىكتەر ەلى" دەپ اتالاتىن فورۋمدا قازاقستاننىڭ اقش ازاماتتارىنا ۆيزاسىز ەلگە كەلۋىنە رۇقسات بەرۋ جايىن "ەۋرازيا ەكونوميكالىق وداعى (ەاەو) اياسىندا كەلىسۋ قاجەتىن" مالىمدەگەن. لاۆروۆتىڭ سوزىنشە، ەاەو-دا ۆيزاسىز ءجۇرىپ-تۇرۋ ەرەجەسى بار.

لاۆروۆ فورۋمدا وزىنە بۇل تۋرالى قويىلعان سۇراققا قاتىستى جاۋابىندا قازاقستاننىڭ اقش ازاماتتارىنا ۆيزاسىز رەجيم ورناتقانىن "بۇعان دەيىن بىلمەگەنىن" ايتقان. ول 16 ناۋرىزدا استاناعا بارعان كەزىندە بۇل ماسەلە جايلى قازاقستاندىق ارىپتەسىمەن سويلەسەتىنىن دە جەتكىزگەن.

Abai.kz