ارنايى قىزمەتتىڭ قانشا جۇمىسشىسى ىشكى ىستەر مينيسترلىگىنە اۋىستىرىلعانى ازىرگە بەلگىسىز.

"پرەزيدەنت جارلىعىنا سايكەس، 1 ساۋىردەن باستاپ قۇپيا ۇيىمداردا بەينە باقىلاۋ قۇرالدارىنا قىزمەتتى ەندى ىشكى ىستەر مينيسترلىگى جۇرگىزەدى. وسىعان دەيىن بۇل قىزمەت ۇلتتىق قاۋىپسىزدىك قىزمەتىنە جۇكتەلگەن. نىسانداردى كۇزەتۋمەن اينالىساتىن كونسترۋكتورلىق بيۋرو دا ءىىم-گە كوشەدى. ونداعى بارلىق قىزمەتكەرلەر دە ىشكى ىستەر مينيسترلىگىندە جۇمىس ىستەيتىن بولادى. سول بۇرىنعىسىنشا ايلىق الادى، جەڭىلدىكتەرى دە ساقتالادى" – دەدى ءىىم قىزمەتكەرى.

پرەزيدەنت شاۆكات ميرزياەۆتىڭ «مەملەكەتتىك قاۋىپسىزدىك جۇيەسىن جەتىلدىرۋ شارالارى جونىندەگى» جارلىعىنا سايكەس، 1 ساۋىردەن باستاپ بۇرىنعى ۇقق باسقارماسى قورعانىس مينيسترلىگىنە وتەدى. بىراق باسقارمانىڭ اتاۋى ازىرگە بەلگىسىز.

بىراق كەيبىر مالىمەتتەرگە قاراعاندا، مەملەكەتتىك قاۋىپسىزدىك قىزمەتىنىڭ بىرقاتار وفيتسەرلەرى ءوز ەرىكتەرىمەن جۇمىستان كەتىپ جاتىر. ولاردىڭ ءبىرى رەسەيگە كەتۋدى جوسپارلاپ وتىرعانىن ايتادى. ء"وز ەركىمەن كەتكەندەردىڭ دەنى جۇمىس تابادى. بىراق بۇدان مەملەكەت ۇتىلادى. كۋراتورلار مەملەكەتتىڭ قۇلاعى ءھام كوزى بولعان ەدى. قازىر كۋراتورلاردىڭ باقىلاۋىنسىز قالعان مەملەكەتكە ۇلكەن زالال كەلۋى مۇمكىن", – دەپ ەسەپتەيدى ارنايى قىزمەتتىڭ بۇرىنعى وكىلى.

Abai.kz