19 ناۋرىزدا تاراتىلعان اشىق حاتتا ء"ادىل ءسوز" ءسوز بوستاندىعىن قورعاۋ ۇيىمى ءتورايىمى تامارا كالەەۆا مەن قازاقستان جۋرناليستەر وداعىنىڭ باسقارما باسشىسى سەيىتقازى ماتاەۆ (اسەت ماتاەۆتىڭ اكەسى) قاپشاعاي قالالىق سوتىنىڭ 16 ناۋرىزداعى شەشىمىمەن كەلىسپەيدى. سوت "سوتتالۋشىنى جالپى قونىستانۋ مەكەمەسىنە كوشىرۋ" جونىندەگى ءوتىنىشتى قاناعاتتاندىرماعان. ۇندەۋ اۆتورلارى سوت شەشىمىن ادىلەتسىز دەپ ەسەپتەيدى.

جۋرناليستەرمەن كەزدەسكەن سەيىتقازى ماتاەۆ ءوزىنىڭ ۇلى "كەپىل" رەتىندە وتىرعانىن ايتادى. «4 جەلتوقساندا مەن تۇرمەدەن شىقتىم. مەن ەشقانداي ساياسي مالىمدەمە جاساعان جوقپىن. مەنىڭ باستى مىندەتىم — ۇلىمنىڭ بوستاندىققا شىعۋى. بۇگىن مەن ءباسپاسوز ءماسليحاتىنا شىعۋىما تۋرا كەلدى. سەبەبى مەنىڭ ۇلىمنىڭ تاعدىرى تۇر»، - دەدى سەيىتقازى ماتاەۆ.

قاپشاعاي قالالىق سوتى 16 ناۋرىز كۇنى 33 جاستاعى اسەت ماتاەۆتىڭ جازاسىن جەڭىلدەتىپ، جازاسىنىڭ قالعان مەرزىمىن قونىس كولونياسىندا (جاڭا قىلمىستىق-اتقارۋ كودەكسى بويىنشا قاۋىپسىزدىگى تومەن تۇزەۋ مەكەمەسى) وتەۋ تۋرالى ءوتىنىشىن قاناعاتتاندىرۋدان باس تارتقان.

2016 جىلى قازاننىڭ 3-ىندە استانا سوتى ۇلتتىق ءباسپاسوز كلۋبىنىڭ جەتەكشىسى سەيىتقازى ماتاەۆتى "سالىقتان جالتاردى جانە قارجى جىمقىردى" دەپ ايىپتاپ، التى جىلعا، ال قازتاگ اگەنتتىگىنىڭ ديرەكتورى اسەت ماتاەۆتى "قارجى جىمقىردى" دەگەن ايىپپەن بەس جىلعا سوتتاعان. ماتاەۆتار وزدەرىنە تاعىلعان ايىپتاردى مويىندامايدى جانە ءىستى "تاپسىرىسپەن جاسالعان" دەپ بىلەدى.

Abai.kz