وزبەكستانمەن شەكارالاس تۋرسۋنزادە اۋدانىنىڭ تۇرعىنى ازيم مۋرودوۆتىڭ 25 ناۋرىزدا ايتۋىنشا، شەكارادا ەندى جاڭا ءتارتىپ ورناعان. «بۇعان دەيىن بىزگە كورشى ەلگە ىشكى تولقۇجاتپەن بارۋعا رۇقسات بەرەتىن، ەندى شەكاراشىلار بۇلاي جاساۋعا بولمايتىنىن ايتتى»، - دەدى ول.

مۋرودوۆتىڭ شەتەلگە شىعاتىن بيومەتريكالىق تولقۇجات جاساتاۋىنا قاراجاتى مەن ۋاقىتى جوق. «شەكارالاس ايماق تۇرعىندارى كورشى ەلگە قوناق بولۋعا ەمەس، تاۋار اكەلىپ، از-ماز پايدا تابۋ ءۇشىن بارادى. سول سەبەپتى بيلىك بىزگە جەڭىلدىكتەر قاراستىرۋى كەرەك»، - دەدى ازيم مۋرودوۆ.

ءدال وسىنداي قيىنشىلىققا سوعدى وبلىسىنا قاراستى كانيبادام اۋدانىنىڭ تۇرعىندارى كەزىككەن.

تاجىكستان مەن وزبەكستان اراسىندا جاقىندا كەلىسىلگەن ءتارتىپ بويىنشا، ەكى ەل ازاماتتارى كورشى ەلگە شەتەل تولقۇجاتتارىمەن عانا وتە الادى.

تاجىكستان تۇرعىندارى شەتەلگە شىعۋ تولقۇجاتتىن جاساتۋ قۇنى (شامامەن 90 دوللار) قىمبات ەكەنىنە شاعىمدانعان.

Abai.kz