قازاقتىڭ باسشىسىن سايلاۋ الامانىندا جۇمىسسىز جۇرگەن ءبىر اعامىز پرەزيدەنتتىككە ۇمىتكەر بولىپ تىركەلمەكشى بولعانى ەسىمدە...

سول كەزدە 14 ادام "ەل باسقارماقشى" بولىپ بەل بۋىپتى.

ارينە، مۇنىڭ ءوزى اركىمنىڭ جەكە قۇقى ءارى شەشىمى. اركىم “كوتەرە الامىن-اۋ” دەگەن قىلىشىن بەلىنە بايلايدى.

كەيبىرەۋلەر: ء“وزى جۇمىسسىز ادام، ياعني، ەشكىم جۇمىسقا الماعان ادام قالاي ەل باسقارادى؟” دەپ كۇپىرلىك ايتىپ جاتتى. وۋ، اعايىن، قازىر كىمنىڭ شەكەسى قىزىپ، قىزمەتى ءجۇرىپ تۇر؟..

بۇگىن بارسىڭ جۇمىستا، ال، ەرتەڭ – بوسسىڭ... وبلىس باسقارعان اكىم مەن دۇردەي ءبىر سالانىڭ قۇلاعىن ۇستاعان ءمينيسترىڭنىڭ ءوزى قىزمەتىنەن كەتكەندە، نە ىستەرىن بىلمەي، دالاقتاپ قالىپ جاتادى... سوندىقتان، ءبىر زاماندا جاياۋ مۇسا بابامىز: “جۇرمەيدى كىمدەر جاياۋ – زورلىق قىلسا” دەگەن...
سول سەبەپتى، ۋاقىتشا جۇمىسى جوق باۋىرىمىزدىڭ دا پرەزيدەنتتىك لاۋازىمعا تالاسۋعا تولىق قۇقى بار.

مەنىڭشە، «تەك قانا قازاقشا سويلەگەنىڭىز ءۇشىن وزدەرىڭىزدى ناعىز قازاق رەتىندە ساناۋعا كىم قۇقىق بەردى؟» – دەپ كوكىگەن بايان ەسەنتاەۆانىڭ "تانىمالدىعىنان” گورى، جۇمىسسىز ادامنىڭ رۋحى تازا!..

مەنىڭشە، زيناقورلىقتى مەملەكەتتىك دارەجەدە ناسيحاتتاۋعا تىرىسقان «قازاقستان-2050» دەيتىن قوعامدىق قوزعالىسقا “مۇشە” بولعاننان، جۇمىسسىزدىقتىڭ دارەجەسى ابىرويلى!..

مەنىڭشە، 23 اقپاندا وتان قورعاۋ­شىلار كۇنىمەن قۇتتىقتاي بەرەتىن دۇمبىلەزدەن – “قازاق توپىراعىندا وتان قورعاۋشىلار كۇنى 7 مامىر” دەيتىن جۇمىسسىز باۋىرىمىزدىڭ مەرەيى ۇستەم!..

مەنىڭشە، “قازاق ۇلتى ارقاشان بىرەۋدىڭ قولجاۋلىعى، بىرەۋدىڭ جاتى­رىنا سالاتىن تامپون، الدەبىر ۇلى دەرجاۆانىڭ ارتقى قۋىسىنا تىعاتىن گەموررويدىڭ سۆەچاسى بولىپ قالادى... قازاق تىلىندە ءتىپتى جارگوننىڭ جۇرناعى دا جوق. بۇل ءتىلدىڭ دامىماي، ءبىر ورنىندا مەشەۋ بولىپ قالعاندىعىن دالەلدەيدى. ەشقانداي قۋاتى جوق دارمەنسىز، بەيشارا ءتىل. بۇل قار­تا­يىپ، قالجىراعان دىمكاس ءتىل... ءبىز مونعوليادان، قىتاي، يران مەن اۋعانستاننان قازاقتاردى جيناپ جاتىرمىز. ەرتەڭ ەلگە قاۋىپ تونسە، مىنا سىرتتان كەلگەن قازاق­تار قايتادان قاشىپ كەتەدى. ەلدى قورعاي­تىن وسىنداعى ۇيعىرلار، كارىس­تەر مەن ورىستار…” – دەپ، ساندال­عان سالپاڭباي-سالپاڭقۇلاق مۇرات ايت­جانۇلى تەلىبەكوۆتەن – جۇمىس­سىز باۋىرىمىزدىڭ شۇلىعى ارتىق!..

ارىپتەسىم مۇرات ءتۇسىپوۆ: “مىنا مۇرات تەلىبەكوۆ دەگەن شىن مۇسىلمان با ءوزى؟ بۇنى كىم مۇسىلمان ۇيىمىنا توراعا ەتىپ قويعان. بۇنداي ادامدى توراعا قىلماس بۇرىن دەنساۋلىعىن نەگە تەكسەر­مەدى ەكەن؟!.” – دەپ كۇيىنىپتى.
راسىن­دا، تىركەۋى جوق، تىرەۋى بەلگىسىز; اتى دىر­داي، قىلىعى قىلداي «قازاقستان مۇسىلماندار وداعىنىڭ توراعاسى» دەگەن اتاقتى بۇل بەيباققا كىم بەرگەن؟!.

...سايىپ كەلگەندە، ۇلتىن ءسۇيىپ، وتانىن باعالايتىن ناعىز جىگىت – وتباسىنىڭ تىرەگى، وتانىنىڭ جۇرەگى بولا بىلەدى. بىرەۋگە جارامساقتانىپ، نان تابۋ – اتا-باباسى توپقا كىرمەگەن تەكسىزدىڭ تىرلىگى. ساناسى ۋلانىپ، جۇرەگى سولعان بەيشارا ءبىر كۇندىكتەن ارعىنى كورە المايدى. دەي تۇرعانمەن، دارمەنسىز دەلقۇلدىڭ كوكىرەگىنىڭ كوكجيەك اڭساپ، اسپانعا شاپشيتىنىن قايتەرسىڭ!

ەلدى باسقارۋ – ەرىككەننىڭ دە، جەلىككەننىڭ دە قولىنان كەلمەيدى. الدىمەن، سانا تازارىپ، پاراسات سالماقتانۋى كەرەك، مەنىڭشە...

Abai.kz