بەيسەنبى, 28 ناۋرىز 2024
7309 42 پىكىر 2 ءساۋىر, 2018 ساعات 20:38

نارىنقول مەن كەگەننىڭ ءبولىنۋى يگى ءىستىڭ باستاماسى عانا بولعاي!..

ەلباسى الماتى وبلىسىنىڭ اكىمشىلىك-اۋماقتىق قۇرىلىسىنداعى وزگەرىستەر تۋرالى جارلىققا قول قويدى، - دەپ حابارلايدى اقوردانىڭ ءباسپاسوز قىزمەتى.

"الماتى وبلىسىنىڭ اكىمشىلىك-اۋماقتىق قۇرىلىسىنداعى وزگەرىستەر تۋرالى "قازاقستان رەسپۋبليكاسىنداعى اكىمشىلىك-اۋماقتىق قۇرىلىس تۋرالى" 1993 جىلعى 8 جەلتوقسانداعى قازاقستان رەسپۋبليكاسى زاڭىنىڭ 9-بابىنا سايكەس، الماتى وبلىسىنىڭ رايىمبەك اۋدانىن ءبولۋ جولىمەن اكىمشىلىك ورتالىعى كەگەن اۋىلىندا ورنالاسقان كەگەن اۋدانى، اكىمشىلىك ورتالىعى نارىنقول اۋىلىندا ورنالاسقان رايىمبەك اۋدانى اكىمشىلىك-اۋماقتىق بىرلىكتەرى قۇرىلسىن" دەلىنگەن اتالمىش جارلىقتا.

ەلباسىنىڭ بۇل جارلىعى تەك نارىنقولدىقتاردىڭ عانا ەمەس، بۇكىل قازاقستاننىڭ شەكارالى اۋداندارىنىڭ قۋانىشى. ويتكەنى، 1997 جىلدىڭ كوكتەمىندە بىرنەشە وبلىستار جابىلىپ، كوپتەگەن اۋداندار تارقاتىلعان بولاتىن. سول تۇستا شىعىس قازاقستان، وڭتۇستىك قازاقستان مەن الماتى وبلىسىنىڭ قىتاي حالىق رەسپۋبليكاسىمەن ەكى اراداعا مەملەكەتتىك شەكاراسى بويىنا ورنالاسقان اۋدانداردىڭ ءبىرازى ىقشامداۋعا ىلىگىپ، كورشىلەس جاتقان اۋداندارعا قوسىلىپ كەتكەن ەدى. وسىلايشا، شىعىستا: تارباعاتاي، كاتونقاراعاي، مارقاكول، ماقانشى، تاسكەسكەن اۋداندارى، الماتى وبلىسىندا: قاپال، ۇيگەنتاس، بورىلىتوبە، نارىنقول سىندى اۋداندار قيىن جاعدايدا قالدى. ەل ۇدىرە كوشىپ، شەكارا بويىن جالاڭاش قالدىردىق. وڭتۇستىك قازاقستانداعى وزبەكستانمەن شەكارالاس اۋداندار دا ءبىر-بىرىمەن قوسىلىپ، حالىق ءارى-ءسارى جاعدايدا قالعان-دى. ەندى سول ولقىلىقتىڭ ورنى تولاتىن ءتۇرى بار.

ەلباسىنىڭ نارىنقول مەن كەگەندى ءبولۋى جەكە اۋدان بولۋدى ارماندايتىن شەكارا بويىنداعى تالاي ەلدىمەكەننىڭ وشۋگە اينالعان ءۇمىت شوعىن قايتا تۇتاتتى. دەمەك، الداعى ۋاقىتتا ەلىمىزدە تىرشىلىگى توقىراپ، قاراۋسىز قالعان نارىنقول سەكىلدى ەلدىمەكەندەردىڭ بويىنا قان جۇگىرەرى انىق.

الماتى وبلىسى اكىمى اماندىق باتالوۆتىڭ باستاماسىمەن باستالعان ءبىر يگى ءىس قۋانىشپەن ءتامامدالدى. ەندى وسى جولدى شىعىستىڭ اكىمى دانيال احمەتوۆ پەن وڭتۇستىكتىڭ تىزگىنۇستارى جانسەيىت تۇيمەباەۆ جالعاستىرسا دەگەن تىلەك بار.

 Abai.kz 

42 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522