دۇيسەنبى, 17 ماۋسىم 2019
بىلگەنگە مارجان 1642 2 پىكىر 11 ءساۋىر, 2018 ساعات 11:48

«XXI-عاسىرداعى الاشتىڭ اق جولى» اتتى جالپىۇلتتىق بايقاۋ باستالدى

«اق جول» دەموكراتيالىق پارتياسى 2018 جىلعى «ححI عاسىرداعى الاشتىڭ اق جولى» جالپىۇلتتىق بايقاۋىنىڭ باستالعانىن جاريالايدى

تومەندە - بايقاۋدىڭ جاڭارتىلعان شارتتارى كەلتىرىلەدى

«XXI-عاسىرداعى الاشتىڭ اق جولى»

جالپىۇلتتىق بايقاۋى

بايقاۋدىڭ باستى ماقساتى– قازاقستان قوعامىن جاڭعىرتۋدا «الاش» قوزعالىسىنىڭ شىعارماشىلىق مۇراسىن جانە پرينتسيپتىك كوزقاراستارىن تاراتۋ.

بايقاۋعا قاتىسۋعا الاش مۇراسىنا قىزىعۋشىلىق تانىتىپ، وسى تاقىرىپتا عىلىمي زەرتتەۋلەرمەن جانە پۋبليتسيستيكامەن اينالىسىپ جۇرگەن 18-35 جاس ارالىعىنداعى بارلىق، شەت ەلدەردەگى وتانداستارىمىزدى قوسا العاندا، ىزدەنۋشىلەر شاقىرىلادى.

بايقاۋ جۇمىستارى قازاق، ورىس جانە قازاقستاننىڭ باسقا ەتنوستارىنىڭ تىلدەرىندە قابىلدانادى. سونداي-اق شەتەلدىك ىزدەنۋشىلەرگە وزدەرىنىڭ قالاعان ءتىلىن تاڭداۋ مۇمكىندىگى بەرىلەدى. بايقاۋدى ۇيىمداستىرۋشىلار بايقاۋ جۇمىستارىن مەملەكەتتىك تىلگە اۋدارۋدى قامتاماسىز ەتەدى.

بايقاۋ ءۇش كەزەڭنەن، ءتورت نوميناتسيا بويىنشا وتكىزىلەدى.

نوميناتسيالار:

1, الاش قوزعالىسى جانە ۇلتتى ساياسي دامىتۋ ماسەلەلەرى;

1.الاش قوزعالىسى جانە ۇلتتى ەكونوميكالىق-الەۋمەتتىك دامىتۋ ماسەلەلەرى;

2.الاش قوزعالىسى جانە ۇلتتى رۋحاني جاڭعىرتۋ ماسەلەلەلەرى;

3.الاش قوزعالىسى تاريحىنداعى بەلگىسىز وقيعالار مەن جاڭا ەسىمدەر.

كەزەڭدەر:

1-ءشى كەزەڭ: جازباشا جۇمىستاردى (ەسسە، شىعارمالار) سىرتتاي ىرىكتەۋ. بايقاۋ جۇمىستارى 2018 جىلدىڭ 1 قازانىنا دەيىن قابىلدانادى. ۇسىنىلاتىن جۇمىستاردىڭ كولەمى 12 بەتتەن اسپاۋى ءتيىس.

جۇمىستاردى قابىلداۋ مەرزىمى اياقتالعاننان كەيىن، بايقاۋدىڭ ارنايى قازىلار القاسى ەكى اپتانىڭ ىشىندە ءاربىر نوميناتسيا بويىنشا تۇسكەن ماتەريالداردىڭ سانى مەن ساپاسىنا وراي 10 ۇمىتكەرگە دەيىنىرىكتەپ الادى، ولار ەكىنشى، بەتپە-بەت كەزدەسەتىن پىكىرسايىس كەزەڭىنە قاتىسۋعا شاقىرىلادى.

2 كەزەڭ: 1-ءىنشى كەزەڭ جەڭىمپازدارىنىڭ بەتپە-بەت پىكىرتالاستارى. 1-ءشى كەزەڭنىڭ قورىتىندىلارى شىعارىلعاننان كەيىن ەكى اپتانىڭ ىشىندە وتكىزىلەدى. بەتپە-بەت كەزدەسەتىن پىكىرسايىستار بارىسىندا ۇمىتكەرلەر ءار نوميناتسيا بويىنشا ءوزىنىڭ بايقاۋ جۇمىسىن قورعايدى، ودان كەيىن سۇراقتارعا جاۋاپ بەرەدى، باسقا باياندامالاردى تالقىلاۋعا قاتىسادى. پىكىرتالاستار ءاربىر نوميناتسيا بويىنشا بولەك وتەدى. پىكىرتالاستار قورىتىندىلارى بويىنشا ءار نوميناتسيادان 3 ۇمىتكەردەن فينالدىق ساتىعا – بايقاۋدىڭ 3 كەزەڭىنە قاتىسۋ ءۇشىن ىرىكتەلىپ الىنادى.

3 كەزەڭ الاش قوزعالىسىنىڭ 101 جىلدىعى قارساڭىندا 5-13 جەلتوقسان ارالىعىندا «حح1 عاسىرداعى الاشتىڭ اق جولى» جالپىۇلتتىق كونفەرەنتسياسى اياسىندا وتكىزىلەدى. 2-ءشى كەزەڭنىڭ جەڭىمپازدارى باياندامالارمەن سويلەيدى جانە سۇراقتارعا جاۋاپ بەرەدى. تالقىلاۋدىڭ قورىتىندىلارى بويىنشا بايقاۋدىڭ باستى ماراپاتتارىنىڭ يەگەرلەرىن ارنايى قازىلار القاسى انىقتايدى.

كونكۋرس ماتەريالدارى جەكە باسىلىممەن جاريالاناتىن بولادى.

بايقاۋدىڭ جۇلدەلىك قورى 4 ميلليون تەڭگەنى قۇرايدى.
جالپىۇلتتىق بايقاۋدىڭ جەڭىمپازدارى مەن لاۋرەاتتارى ءۇشىن كەلەسى سىياقىلار بەلگىلەنەدى:

- 1-ءشى كەزەڭدە بايقاۋدىڭ ەكىنشى كەزەڭىنىڭ قاتىسۋشىلارى انىقتالادى;

- 2-ءشى كەزەڭدە بايقاۋدىڭ فينالىنا – 3-ءشى كەزەڭگە وتكەن قاتىسۋشىلار انىقتالادى ء(ار نوميناتسيا بويىنشا 3 ۇمىتكەر). جازبا جۇمىستارى اۆتورلارىنىڭ ء(ار نوميناتسيا بويىنشا 7 ادامعا دەيىن، كەلەسى كەزەڭگە وتكەندەردەن باسقاسى) ارقايسىسى – 25 مىڭ تەڭگەمەن ماراپاتتالادى;

- 3-ءشى فينالدىق كەزەڭدە 4 نوميناتسيانىڭ ارقايسىسى بويىنشا جۇلدەلىك ورىنداردى ءبولۋ جۇرگىزىلەدى، ولارعا كەلەسى سىياقىلار بەرىلەدى:

ءبىرىنشى ورىن – 300 مىڭ تەڭگە;

ەكىنشى ورىن – 200 مىڭ تەڭگە;

ءۇشىنشى ورىن – 100 مىڭ تەڭگە.

بايقاۋدىڭ بارلىق قاتىسۋشىلارى گراموتالار مەن العىس حاتتارمەن اتالىپ وتەدى.

ءار نوميناتسيا بويىنشا جەڭىمپازدارعا جانە جۇلدەگەرلەرگە جالپىۇلتتىق «الاشتىڭ اق جولى بايقاۋىنىڭ لاۋرەاتى» توسبەلگىسى تابىستالادى.

بايقاۋدىڭ بەتپە-بەت پىكىرسايىستار كەزەڭدەرىنىڭ (2-ءشى، 3-ءشى كەزەڭدەر) قاتىسۋشىلارىنىڭ ءىسساپار شىعىندارىن «اق جول» قدپ تولەيدى.

بايقاۋ جۇمىستارى ««حح1 عاسىرداعى الاشتىڭ اق جولى» بەلگىسىمەن «اق جول» قازاقستاننىڭ دەموكراتيالىق پارتياسى ورتالىق اپپاراتىنىڭ مەكەن-جايىنا (استانا قالاسى، مانگىلىك ەل، 30, «اق جول» قدپ كەڭسەسىنە) نەمەسە alash_akzhol@mail.ru; akzholpress@mail.ru ەلەكتروندىق پوشتامەن جولدانادى.

Abai.kz

2 پىكىر