سەنبى, 18 تامىز 2018
590 0 پىكىر 13 ءساۋىر, 2018 ساعات 08:28

فەرعانادا ۇلى اكەسىن كەتپەنمەن شاۋىپ ولتىرگەن

وزبەكستاننىڭ فەرعانا وبلىسى «ناۆباحور» اۋىلىنىڭ تۇرعىنى 56 جاستاعى اكەسىنىڭ باسىن كەتپەنمەن شاۋىپ العان. كۋاگەرلەردىڭ ايتۋىنشا، قايعىلى جاعداي اكە مەن بالا اراسىنداعى جانجالدان بولعان.

وقيعا 10 ساۋىردە بولعان. كورشىسى 56 جاستاعى داداجون كۋچكاروۆتىڭ اۋرۋحانادا كوز جۇمعانىن ايتادى.

"10 ساۋىردە اكەسى مەن ۇلى كارتوپ قازۋعا باقشاعا كەتكەن. وندا ەكەۋىنىڭ اراسىندا جانجال تۋىنداعان. 30 جاستاعى ۇلى اكەسىن كەتپەنمەن ۇرعان. ۇلى وقيعا ورنىنان قاشىپ كەتكەن. قازىر ونى ىزدەپ جاتىر. داداجون-اكا وزىنە كەلمەستەن، اۋرۋحانادا كوز جۇمدى. 11 ساۋىردە ونى جەرلەدى،" – دەيدى كورشىسى.

«ناۆباحور» اۋىلى تۇرعىنىنىڭ ءبىرى مارقۇم داداجون كۋچكاروۆتىڭ وتە قاتىگەز بولعانىن، ۇلىن ءجيى ۇراتىنىن ايتادى.

ء"بىز ءبىر اۋىلدا تۇرامىز. ونىڭ وتباسىنداعى جانجالدىڭ ءجيى كۋاسى بولدىم. مارقۇم داداجون-اكانىڭ ءبىر ۇلى، ەكى قىزى بولدى. قىزدارى رەسەيگە جۇمىس ىستەۋگە كەتكەن. ول كىشكەنتاي كەزىنەن ۇلىن ءجيى ۇراتىن. بۇل بالانىڭ جۇيكەسىنە كەرى اسەرىن تيگىزدى،" – دەيدى ول.

بۇل وقيعا بويىنشا قىلمىستىق ءىس قوزعالعان.

Abai.kz

0 پىكىر