جۇما, 29 مامىر 2020
COVID-19 قازاقستاندا. جۇقتىرعاندار — 9576. جازىلعاندار — 4900. قايتىس بولعاندار — 37
1252 0 پىكىر 17 ءساۋىر, 2018 ساعات 09:08

روسكومنادزور Amazon سەرۆيسىنىڭ ميلليونداعان IP-ادرەسىن بۇعاتتادى

روسكومنادزور امەريكالىق Amazon كومپانياسىنىڭ ەكى ميلليونداي IP-ادرەسىن بۇعاتتادى. بۇل جونىندە كوررۋپتسياعا قارسى كۇرەس قورىنىڭ بەلسەندىسى ۆلاديسلاۆ زدولنيكوۆ مالىمدەدى.

ول Amazon-نىڭ IP-ادرەسىن بۇعاتتاۋ Telegram-دى بۇعاتتاۋ جونىندەگى سوت شەشىمىنە قاتىسى جوق ەكەنىن ايتادى. بۇل شەشىم باس پروكۋراتۋرانىڭ بۇيرىعىندا كورسەتىلگەن ەكەن. وسىنىڭ الدىندا روسكومنادزور تىيىم سالىنعان سايتتاردىڭ قاتارىنا Amazon, Google جانە Telegram-نىڭ بىرنەشە دومەنىن ەنگىزگەن.

دۇيسەنبى كۇنى رەسەيدە سوت شەشىمىمەن Telegram-دى بۇعاتتاي باستادى. روسكومنادزور سونىمەن بىرگە تىيىم سالىنعان سايتتارعا كىرۋ قۇرالدارىنا دا تىيىم سالاتىنىن مالىمدەدى.

Telegram نەگىزىن قالاۋشى پاۆەل دۋروۆ "رەسەيلىكتەردىڭ قۇپيا حات الماسۋ قۇقىعىن قايتارۋعا كۇرەسەتىنىن" مالىمدەدى. ونىڭ ايتۋىنشا، Telegram-عا تىيىم سالسا، رەسەيدە ۇلتتىق قاۋىپسىزدىك دەڭگەيى ءتۇسىپ كەتەدى.

امەريكالىق Amazon كومپانياسى ينتەرنەت ارقىلى تاۋار ساتۋدا الەمدەگى ەڭ ءىرى سەرۆيس. بۇل كومپانيانىڭ اقش-تان باسقا برازيليا، كانادا، ۇلىبريتانيا، گەرمانيا، جاپونيا، فرانتسيا، يتاليا، يسپانيا، ءۇندىستان مەن قىتايدا فيليالدارى بار.

Abai.kz

0 پىكىر