جۇما, 29 ناۋرىز 2024
كورشىنىڭ كولەڭكەسى 5145 16 پىكىر 20 ءساۋىر, 2018 ساعات 09:46

قىتايداعى قانداستارىمىزدىڭ ماسەلەسىنە اقش الاڭداي باستادى

قىتاي قىسىمىن كورگەن مۇسىلمان حالىقتارىنا اقش الاڭداۋشىلىق ءبىلدىردى، - دەپ حابارلايدى اباي-اقپارات.

اقش-تىڭ مەملەكەتتىك حاتشىسىنىڭ كومەكشىسىنىڭ مىندەتىن اتقارۋشى لاۋرا ستون (Laura Stone) اقش قىتاي بيلىگى تاراپىنان قىسىم كورىپ، قاماۋعا الىنعان 100 مىڭداعان ۇيعىر xالقى مەن باسقا دا مۇسىلمانداردىڭ (قانداستارىمىز دا بار) جاعدايىنا ەرەكشە نازار اۋداراتىنىن مالىمدەدى.

اقش تاراپى الداعى ۋاقىتتا تاۋەلسىز زەرتتەۋ جۇرگىزىپ، قىتايداعى از ساندى ۇلتتارعا قارسى ادام قۇقىعىنا قول سۇعۋ بار ەكەنىن دالەلدەسە، "الەمدىك ماگنيتسكيدىڭ ادام قۇقىقتارى تۋرالى ەسەپ بەرۋ اكتىسىنە" نەگىزدەپ، قىتاي شەنەۋنىكتەرىنە قارسى سانكتسيا سالاتىنىن ەسكەرتتى.

قىتاي بيلىگى شىڭجاڭداعى جەرگىلىكتى xالىقتىڭ ءدىني جانە ۇلتتىق مادەني سالتتارىن ۇستانۋعا قاتاڭ تيىم سالىپ، ۇيعىر ۇلتى مەن باسقا دا از ساندى ۇلت وكىلدەرىن ءجىتى باقىلاۋعا العانى، مىڭداعان ادامدى جازىقسىز تۇرمەگە قاماعانى تۋرالى اقپاراتتار كوبەيگەن. سەنىمدى اقپارات كوزدەرىنىڭ حابارلاۋىنا قاراعاندا 500 مىڭنان 1 ميلليون ادامعا دەيىن "ساياسي تاربيەلەۋ ورتالىعى" دەپ اتالاتىن كونتسلاگەرلەردە تۇتقىندا وتىر.

"الەمدىك ماگنيتسكيدىڭ ادام قۇقىقتارى تۋرالى ەسەپ بەرۋ اكتىسى" (The Global Magnitsky Human Rights Accountability Act)- اقش بيلىگىنىڭ باسقا ەلدەگى ادامدىق قۇقىققا قارسى سانكتسيا جاريالاۋعا قۇقىق بەرەتىن قۇجات.  بۇل قۇجات نەگىزىندە اقش-قا كىرۋگە تيىم سالۋعا، اقش-تاعى شوتتارىن بۇعاتتاۋعا، ساۋدا-ساتتىقتى شەكتەۋگە قۇقىلى. بۇل زاڭ جوباسىن 2015 جىلى اقش سەناتى ماقۇلدانىپ، 2016 جىلى پالاتادا بەكىتىلگەن.

ءشارىپحان قايسار

Abai.kz

16 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563